పీరు ఎత్తుకున్న ఎమ్మెల్యే కోమటిరెడ్డి రాజగోపాల్ రెడ్డి

దిశ, మునుగోడు: కులమతాలకతీతంగా జరిపే మొహర్రం వేడుకల సందర్భంగా పీరు ఎత్తుకొని మునుగోడు ఎమ్మెల్యే కోమటిరెడ్డి రాజగోపాల్ రెడ్డి స్థానికులను ఉత్సాహపరిచారు. చౌటుప్పల్ మున్సిపాలిటీ కేంద్రంలో నిర్వహిస్తున్న మొహర్రం వేడుకలలో శుక్రవారం ఆయన పాల్గొన్నారు. ఈ సందర్భంగా ఎమ్మెల్యే మాట్లాడుతూ.. త్యాగానికి ప్రతీకగా నిలిచే మొహర్రం వేడుకలను కులమతాలకతీతంగా జరుపుకోవడం గొప్ప సంస్కృతి అని అన్నారు. ప్రజలంతా సుఖ సంతోషాలతో సుభిక్షంగా ఉండాలని ఆయన ఆశాభావం వ్యక్తం చేశారు. ఈ వేడుకలలో చౌటుప్పల్ జెడ్పీటీసీ చిలుకూరి ప్రభాకర్ రెడ్డి, కాంగ్రెస్ పార్టీ నాయకులు, భక్తులు పాల్గొన్నారు.