అంబర్పేట ఫ్లైఓవర్ను త్వరగా పూర్తి చేయాలి: కిషన్‌రెడ్డి
దిశ, న్యూస్బ్యూరో: సికింద్రాబాద్ పార్లమెంటు నియోజకవర్గ అభిృద్ధి నిధులతో చేపట్టిన కార్యక్రమాల అమలు, ప్రస్తుత ఎంపీ లాడ్స్ నిధుల ఖర్చుపై కేంద్ర హోంశాఖ సహాయమంత్రి కిషన్‌రెడ్డి శనివారం దిల్కుషా గెస్ట్హౌస్లో జీహెచ్ఎంసీ కమిషనర్, హైదరాబాద్ కలెక్టర్, నాబార్డ్, హడ్కో అధికారులతో సమీక్ష నిర్వహించారు. హైదరాబాద్ జిల్లా కలెక్టర్ శ్వేతా మహంతితో అన్ని గృహనిర్మాణ పథకాలు, గృహాల కేటాయింపు తదితర అంశాలు చర్చించారు. అంబర్పేట గౌతులచ్ఛన్న ఆడిటోరియం (జ్యోతిబాయ్ ఫూలే బీసీ సంక్షేమ భవన్) నిర్మాణం కోసం చర్యలు తీసుకోవాలని సూచించారు.
అంబర్పేట్ ఫ్లైఓవర్ నిర్మాణం గురించి చర్చించి, నిర్మాణ పురోగతిని జీహెచ్ఎంసీ కమిషనర్ లోకేష్ కుమార్‌ను అడిగి తెలుసుకున్నారు. త్వరలోనే సంబంధిత అధికారులతో సమావేశం నిర్వహించి, నిర్మాణ పనులను త్వరితగతిన పూర్తి చేయాలని కమిషనర్ను ఆదేశించారు. బస్తీ దవాఖానాల పనితీరు గురించి మంత్రి అడిగి తెలుసుకున్నారు. ఆత్మ నిర్భర్ యోజన కింద వీధి వ్యాపారులకు రుణాలు ఇప్పించడంలో అధికారుల చొరవను కిషన్‌రెడ్డి అభినందించారు.n
