ప్రభాస్‌కు భార్య ఫిక్స్
దిశ, వెబ్‌డెస్క్ : యంగ్ రెబల్ స్టార్ ప్రభాస్ ‘ఆదిపురుష్’ సినిమా ప్రకటనతో ఫ్యాన్స్ సూపర్ హ్యాపీగా ఫీల్ అయ్యారు. ప్రభాస్ రాముడిగా కనిపించనున్న ఈ త్రీడి పిక్చర్‌లో సైఫ్ అలీ ఖాన్ రావణాసురుడిగా రాక్షసావతారాన్ని చూపించబోతున్నారు. తెలుగు, హిందీలో రూపుదిద్దుకుంటున్న ఈ సినిమా తమిళ్, మలయాళం, కన్నడ భాషల్లోకి డబ్ చేస్తున్నట్లు ప్రకటించింది మూవీ యూనిట్.
అయితే, మరి రాముడికి తగిన సీత కావాలి కదా? ప్రభాస్‌కు తగిన జోడీగా ముందుగా కీర్తి సురేష్‌ను ఎంచుకున్నారనే వార్తలు వచ్చాయి. కానీ ఆదిపురుష్ సీతగా బాలీవుడ్ భామ కియారా అద్వానీని ఎంచుకున్నట్లు తెలుస్తోంది. ఇప్పటికే ఫిల్మ్ మేకర్స్ తనను అప్రోచ్ కాగా, తను కూడా ఓకే చెప్పిందని సమాచారం. దీనిపై త్వరలో అఫిషియల్ అనౌన్స్‌మెంట్ ఉంటుందని సమాచారం.
ప్రీ ప్రొడక్షన్ పనులు స్టార్ట్ చేసిన ‘ఆదిపురుష్’ 2021లో సెట్స్ మీదకు వెళ్లనుండగా, 2022లో సినిమాను రిలీజ్ చేసే ప్లాన్‌లో ఉంది మూవీ యూనిట్. కాగా, ఓమ్ రౌత్ డైరెక్షన్‌లో వస్తున్న చిత్రాన్ని టీ సిరీస్ బ్యానర్‌పై భూషణ్ కుమార్, క్రిష్ణణ్ కుమార్ నిర్మిస్తున్నారు.
