తారక్‌తో కియారా..
యంగ్ టైగర్ ఎన్టీఆర్, ప్రముఖ దర్శకుడు త్రివిక్రమ్ శ్రీనివాస్ కాంబినేషన్‌లో సినిమా ప్రకటించి దాదాపు ఐదు నెలలు గడుస్తోంది. హారిక అండ్ హాసిని క్రియేషన్స్ పతాకంపై తెరకెక్కుతున్న సినిమా కరోనా కారణంగా సెట్స్ మీదకు వెళ్లలేదు. మరోవైపు ఎన్టీఆర్.. జక్కన్న ఆర్ఆర్ఆర్ సినిమాతో బిజీగా ఉండడం కూడా దీనికి మరో కారణం.
కాగా ఈ సినిమాకు ‘అయిననూ పోయి రావలె హస్తినకు’ టైటిల్ ఖరారైనట్లు ప్రచారం జరుగుతుండగా.. లాక్‌డౌన్ సడలింపులతో ప్రీ ప్రొడక్షన్ పనులు స్టార్ట్ అయినట్లు తెలుస్తోంది. సినిమా అనౌన్స్‌మెంట్ వచ్చినప్పటి నుంచి తారక్ జతకట్టబోయే హీరోయిన్ గురించి భారీ రూమర్స్ వినిపిస్తుండగా.. ఇందులో ఇద్దరు హీరోయిన్లు ఉంటారని టాక్. ఈ సినిమాతో జాన్వీ కపూర్ తెలుగు ఇండస్ట్రీకి పరిచయమయ్యే చాన్స్ ఉండగా.. మరో హీరోయిన్‌గా బాలీవుడ్ బ్యూటీ ఐకాన్ కియారా అద్వానీని సెలెక్ట్ చేసినట్లు సమాచారం.
కాగా భరత్ అను నేను సినిమాతో టాలీవుడ్ ఎంట్రీ ఇచ్చిన కియారా.. వినయ విధేయ రామ సినిమాలో చరణ్‌తో జోడీ కట్టింది. అయితే ఈ సినిమా డిజాస్టర్ కావడంతో పూర్తిగా బాలీవుడ్ పైనే కాన్సంట్రేషన్ చేసింది భామ.
