మీ చేతగాని తనాన్ని గుర్తు చేస్తూనే ఉంటాం : షర్మిల ట్వీట్

దిశ, తెలంగాణ బ్యూరో : శ్రీకాంత్ లాంటి యువకుల ఆత్మహత్యలు ఆపేంత వరకు తమ పోరాటం కొనసాగుతుందని వైఎస్సార్ టీపీ అధినేత్రి షర్మిల ట్వీట్ చేశారు. ఇన్ని రోజులు మంత్రి కేటీఆర్ ఆడవాళ్ళు వ్రతాలు చేసుకోవాలని అన్నప్పుడు నిద్ర నటించిన కేటీఆర్ సైన్యం.. తాజాగా ఆయన పుట్టినరోజు శుభాకాంక్షలకు ఉలిక్కిపడి తమ పోరాటానికి మరింత ఆదరణ తీసుకొచ్చారన్నారు. అందుకు కేటీఆర్ సైన్యానికి ధన్యవాదాలు అని షర్మిల తెలిపారు. వారి వ్యక్తిగత దూషణలతో తమ పోరాట స్ఫూర్తిని మరింత పెంచారన్నారు. కేటీఆర్ సైన్యం తమను ఎంత అణిచివేయాలని గింజుకున్నా యువతకు ఉద్యోగాలు వచ్చే వరకు తమ పోరు సాగుతూనే ఉంటుందని ఆమె చెప్పారు. అంతవరకు వారి చేతగానితనాన్ని గుర్తు చేస్తూనే ఉంటామని ఘాటుగా ట్వీట్ చేశారు.

మీ వ్యక్తిగత దూషణతో మా పోరాట స్పూర్తిని మరింత పెంచారు. మా కన్న మెము ఎంచుకున్న పోరాటం గొప్పది. మీరు మమ్మల్ని అనిచివేయాలని ఎంత గింజుకున్నా యువతకు ఉద్యోగాలిచ్చె వరకు మా పోరు సాగుతనే ఉంటది. అంతవరకు మీకు ప్రతిరోజు మీ చేతగానితనాన్ని గుర్తుచేస్తూనే ఉంటాం. 2/2

— YS Sharmila (@realyssharmila) July 25, 2021