NTR-భన్సాలీ మూవీపై భారీ హైప్.. టైటిల్ కన్‌ఫర్మ్?
దిశ, సినిమా: యంగ్ టైగర్ ఎన్టీఆర్ హీరోగా బాలీవుడ్ స్టార్ డైరెక్టర్ సంజయ్ లీలా భన్సాలీ హిందీలో ఓ సినిమా తెరకెక్కిస్తున్న విషయం తెలిసిందే. తాజాగా, ఆ మూవీ టైటిల్‌కు సంబంధించిన అప్‌డేట్ సోషల్ మీడియాలో చక్కర్లు కొడుతోంది. పౌరాణిక నేపథ్యంలో సాగే చారిత్రాత్మక చిత్రంగా ఈ సినిమాను రూపొందిస్తుండగా.. సినిమాకి ‘జై భవ్ రే’ అనే టైటిల్ ఖరారు చేసినట్లు తెలుస్తోంది. కాగా, ఈ మూవీ కథ, నేపథ్యం, తారక్‌ను ఆకట్టుకోగా గ్రీన్ సిగ్నల్ ఇచ్చిన తారక్.. వీలైనంత త్వరగా మూవీ షూటింగ్‌లో పాల్గొనేందుకు ట్రై చేస్తున్నారట.
అలాగే, కళాత్మక చిత్రాలను తెరకెక్కించడంలో ఎక్స్‌పర్ట్ అయిన భన్సాలీ, పౌరాణిక చిత్రాలకు ప్రాణం పోసే ప్రతిభ కలిగిన ఎన్టీఆర్ కాంబినేషన్‌లో రానున్న ఈ మూవీపై ఇప్పటికే అంచనాలు భారీగా ఉన్నాయి. ఇక ఈ చిత్రాన్ని ‘బాజీరావు మస్తానీ, పద్మావత్’ సినిమాల స్థాయిలో భారీ బడ్జెట్ తో నిర్మిస్తుండగా.. పాన్ ఇండియా లెవల్‌లో హిందీతో పాటు తెలుగు, తమిళ, మలయాళ, కన్నడ భాషల్లో విడుదల చేయబోతున్నట్లు సమాచారం.
