EPFO స్టెనోగ్రాఫర్ ఫలితాల విడుదల.. ఇలా చెక్ చేసుకోండి

దిశ, ఫీచర్స్ : EPFO స్టెనోగ్రాఫర్ (గ్రూప్ C) పరీక్ష తుది ఫలితాలు విడుదలయ్యాయి. పరీక్షకు హాజరైన అభ్యర్థులు అధికారిక వెబ్‌సైట్ nta.ac.inని లాగిన్ అయ్యి తమ ఫలితాలను చెక్ చేసుకోవచ్చు. ఈ పరీక్షను నేషనల్ టెస్టింగ్ ఏజెన్సీ 1 ఆగస్టు 2023న నిర్వహించింది. స్కిల్ టెస్ట్ 18 నవంబర్, 25 నవంబర్ 2023 న నిర్వహించారు.

ఆగస్ట్ 1, 2023న, NTA స్టెనోగ్రాఫర్ (గ్రూప్ C) పోస్ట్ కోసం ఫేజ్ 1 పరీక్షను నిర్వహించింది. ఈ దశకు మొత్తం 1,23,040 మంది అభ్యర్థులు నమోదు చేసుకోగా, వారిలో 40,523 మంది అభ్యర్థులు పరీక్షకు హాజరయ్యారు. వీరిలో 1,871 మంది అభ్యర్థులు ఫేజ్ 1 పరీక్షలో విజయవంతంగా ఉత్తీర్ణులయ్యారు.

ఫేజ్ 1 పరీక్షలో విజయం సాధించిన అభ్యర్థులకు స్కిల్ టెస్ట్ (అర్హత) 18 నవంబర్, 25 నవంబర్ 2023 లో నిర్వహించారు. ఈ స్కిల్ టెస్ట్‌కు మొత్తం 1,217 మంది అభ్యర్థులు హాజరయ్యారు. స్కిల్ టెస్ట్‌లో విజయం సాధించిన అభ్యర్థులను డాక్యుమెంట్ వెరిఫికేషన్ కోసం పిలుస్తారు. ధృవీకరణ కోసం, అభ్యర్థులు ఫోటోకాపీలతో పాటు అన్ని సర్టిఫికేట్లు, గుర్తింపు కార్డుల ఒరిజినల్ కాపీలను తీసుకెళ్లాలి.

ఈ విధంగా ఫలితాన్ని చెక్ చేసుకోండి..

అధికారిక వెబ్‌సైట్ nta.ac.inకి లాగిన్ అవ్వండి.

EPFO స్టెనోగ్రాఫర్ (గ్రూప్ C) ఫైనల్ రిజల్ట్ లింక్‌పై ఇక్కడ క్లిక్ చేయండి.

ఇప్పుడు అభ్యర్థి లాగిన్ వివరాలను నమోదు చేసి సమర్పించండి.

ఫలితం మీ స్క్రీన్‌ పై కనిపిస్తుంది.

NTA స్కోర్/స్లిక్ ఎగ్జామ్ రిజల్ట్/కేటగిరీ వారీగా కట్-ఆఫ్ ఫలితాలు కనిపించిన అభ్యర్థులందరికీ డిక్లరేషన్ తేదీ నుండి 30 రోజులలోపు NTA వెబ్‌సైట్ recruitment.nta.nic.inలో అప్‌లోడ్ చేయబడతాయి. ఏదైనా ప్రశ్న లేదా వివరణ కోసం, అభ్యర్థులు NTA హెల్ప్‌లైన్ నంబర్ 011 40759000 లేదా 011 69227700కి కాల్ చేసి సంప్రదించవచ్చు. మొత్తం 185 పోస్టులకు రిక్రూట్‌మెంట్ జరగనుంది. ఎంపికైన అభ్యర్థికి రూ.25,500 నుండి రూ.81,100 వరకు జీతం ఇవ్వనున్నారు. మరింత సమాచారం కోసం NTA అధికారిక వెబ్‌సైట్‌లో జారీ చేసిన నోటీసును తనిఖీ చేయవచ్చు.