Zodiac signs : గజకేసరి రాజయోగం.. ఈ నాలుగు రాశుల వారికి అదృష్టం!
దిశ, ఫీచర్స్ : ఆగస్టు ఒకటో తేదీ నుంచి గజకేసరి రాజయోగం ప్రారంభం కాబోతుంది. బృహస్పతి,చంద్రుల కలయిక వృషభరాశిలో ఉండటం వలన ఈ రాజయోగం ఏర్పడుతుంది. దీని కారణంగా నాలుగు రాశుల వారికి శుభ ఘడియలు ప్రారంభం కాబోతున్నాయి. ఇంతకీ ఆ రాశులు ఏవీ అనుకుంటున్నారా?
వృషభ రాశి : గజకేసరి రాజయోగం వలన మేషరాశి వారికి కలిసి వస్తుంది. చేపట్టిన ప్రతి పనిని సకాలంలో పూర్తి చేయగలరు. ఇంటా బయట సానుకూల వాతావరణం ఏర్పడుతుంది. విద్యార్థులకు, ఉద్యోగులకు ఈ యోగకాలం చాలా అనుకూలంగా ఉంటుంది. ఎంతో శ్రద్ధతో ప్రతి పనిని పూర్తి చేస్తారు. దీని వలన వీరికి సమాజంలో మంచి గౌరవ మర్యాదలు లాభిస్తాయి.
మిథున రాశి : ఈ రాశి వారికి వ్యాపారల్లో లాభాలు వస్తాయి. పెట్టుబడులు పెట్టడానికి ఇది అనుకూలమైన సమయం. ఎవరైతే చాలా కాలంగా మంచి ఉద్యోగం కోసం ఎదురు చూస్తున్నారో, వారికి మంచి జాబ్ దొరికే ఛాన్స్ ఉంది. శుభకార్యాల్లో పాల్గొంటారు. ఇంటా బయట సంతోషకర వాతావరణం చోటు చేసుకుంటుంది.
కర్కాటక రాశి : ఈ రాశి వారికి ఆగస్టు నెల మొత్తం చాలా అద్భుతంగా ఉండబోతుంది. పెండింగ్‌లో ఉన్న పనులను పూర్తి చేసుకుంటారు. మొండి బాకీలు వసూలు అవుతాయి. కుటుంబంలో శుభకార్యాలు జరగడంతో ఈ మాసం చాలా ఆనందంగా గడుపుతారు. విద్యార్థులకు, ఉద్యోగస్థులకు అనుకూలంగా ఉండబోతుంది.
మకర రాశి : మకర రాశి వారికి ఈ నెల చాలా బాగుంటుంది. గజకేసరి యోగంతో ఆర్థికంగా చాలా బాగుంటుంది. ఆకస్మిక ధనలాభం కలిగే ఛాన్స్ ఉంది. విద్యార్థులు పెద్ద పెద్ద కళాశాలల్లో సీటు సాధించే అవకాశం ఉంది. ఇంటా బయట సంతోషకర వాతావరణం నెలకుంటుంది.( నోట్ : పైవార్త నిపుణులు, ఇంటర్నెట్‌లోని సమాచారం మేరకు మాత్రమే ఇవ్వబడినది, దిశ దీనిని ధృవీకరించలేదు)
