పౌల్ట్రీ, డెయిరీలకు ఇంటి పన్ను మినహాయింపు

దిశ, తెలంగాణ బ్యూరో : రాష్ట్రంలోని గ్రామ పంచాయ‌తీల ప‌రిధిలో ఉన్న పౌల్ట్రీ, డెయిరీ యూనిట్లకు ఇంటి ప‌న్నును మిన‌హాస్తూ ప్రభుత్వం ఉత్తర్వులు జారీ చేసింది. బుధవారం నుంచి ఇది అమల్లోకి వస్తుందని పంచాయతీరాజ్​ శాఖ స్పష్టం చేసింది. కొన్నేండ్లుగా పౌల్ట్రీ య‌జ‌మానులు, డెయిరీ యూనిట్‌ల ఆస్తి ప‌న్నును ర‌ద్దు చేయాల‌ని ప్రభుత్వానికి విన్నవిస్తున్నారు. ఈ యూనిట్లకు మొత్తం పన్నును మినహాయింపు ఇస్తూ ఉత్తర్వులు వెలువడ్డాయి. అయితే ఆస్తిపై హ‌క్కు పొంద‌డానికి సంవ‌త్సరానికి వంద రూపాయ‌లు చెల్లిస్తే స‌రిపోతుంద‌ని వెల్లడించారు.