'హిట్' స్నీక్ పీక్

వాల్ పోస్టర్ బ్యానర్‌పై నేచురల్ స్టార్ నాని నిర్మిస్తున్న’హిట్’ చిత్రంలో హీరో విశ్వక్ సేన్. డాక్టర్ శైలేష్ కొలను దర్శకత్వం వహిస్తున్న సినిమా ట్రైలర్ ఇప్పటికే అదిరిపోయింది. ప్రీతి అనే అమ్మాయి మిస్సింగ్ చుట్టూ తిరిగే కథను థ్రిల్లింగ్‌గా తెరకెక్కించాడు. చిత్రంపై నిర్మాత నాని, హీరో విశ్వక్, డైరెక్టర్ శైలేష్ ఫుల్ కాన్ఫిడెన్స్‌తో ఉన్నారు. ప్రీ రిలీజ్ ఈవెంట్‌లో థియేటర్‌‌లో మూవీ చూస్తుంటే కనీసం పక్కకు తిరగకుండా మిమ్మల్ని అలాగే కూర్చోబెడతానని, అంతటి థ్రిల్లింగ్ సినిమాలో ఉంటుందని చెప్పాడు విశ్వక్.

‘హిట్’ సినిమాలో విక్రమ్ అనే పోలీస్ ఆఫీసర్‌గా కనిపిస్తున్న విశ్వక్ ప్రీతి మిస్సింగ్ కేసును ఎలా సాల్వ్ చేశాడు? నిందితులను ఎలా పట్టుకున్నాడు? అనేది కథ. ఆ క్రమంలో తనపై దాడులు ఎందుకు జరిగాయి? ఎవరు చేశారు? అనేది కథ. కాగా ఫిబ్రవరి 28న సినిమా రిలీజ్ అవుతుండగా ‘హిట్’ స్నీక్ పీక్‌ను రిలీజ్ చేసింది యూనిట్. హత్యకు గురైన ఓ అమ్మాయి శవాన్ని విశ్వక్ ఎలా పట్టుకున్నాడో ఈ వీడియోలో చూపించారు. మృతదేహాన్ని పట్టుకునేందుకు విశ్వక్ ఆలోచన చాలా కొత్తగా ఉండడం ప్రేక్షకుల్ని ఆకట్టుకోవడమే కాదు.. సినిమాపై మరింత ఆసక్తిని పెంచింది.