ఈనెల 28న జీఎస్టీ కౌన్సిల్ సమావేశం..

దిశ, వెబ్‌డెస్క్ : దేశవ్యాప్తంగా కరోనా కల్లోలం సృష్టిస్తున్న వేళ ఈనెల 28న జీఎస్టీ కౌన్సిల్ సమావేశం నిర్వహించేందుకు కేంద్రం సిద్ధమవుతోంది. ఈ సమావేశంలో కీలక అంశాలు చర్చకు అవకాశం ఉన్నట్లు తెలుస్తోంది. దేశంలో ప్రస్తుతం వ్యాక్సిన్ కొరతతో పాటు వాటి ధరలు తగ్గించాలని అన్ని రాష్ట్రాల నుంచి డిమాండ్ వినిపిస్తోంది. ఈ నేపథ్యంలోనే వ్యాక్సిన్లు, వైద్య పరికరాలపై జీఎస్టీ రేటు తగ్గింపుపై చర్చించే ఛాన్స్ ఉన్నట్లు సమాచారం. మరోవైపు సామాన్య, మధ్యతరగతి వారికి పెనుభారంగా తయారైన పెట్రోల్, డీజిల్‌ను జీఎస్టీ పరిధిలోకి తెచ్చే అవకాశం ఉన్నట్లు తెలుస్తోంది.