మర్డర్ కేసులో ఇరుక్కున్న పరిణీతి చోప్రా!
దిశ, సినిమా: బాలీవుడ్ హీరోయిన్ పరిణీతి చోప్రా నటించిన ‘ది గర్ల్ ఆన్ ది ట్రెయిన్’ ఫిబ్రవరి 26న నెట్‌ఫ్లిక్స్‌‌లో రిలీజ్ కాబోతుండగా.. లేటెస్ట్‌గా విడుదలైన ట్రైలర్ ఆకట్టుకుంటోంది. అదితి రావు హైదరీ కీలక పాత్రలో కనిపించబోతున్న సైకలాజికల్ థ్రిల్లర్ ట్రైలర్.. ఆడియన్స్ నుంచి బెస్ట్ కాంప్లిమెంట్స్ అందుకుంటోంది. హాలీవుడ్ ఫిల్మ్ ‘ది గర్ల్ ఆన్ ది ట్రెయిన్’ రీమేక్‌గా వస్తున్న ఈ సినిమాలో భర్తతో విడిపోయిన పరిణీతి.. తన ఎక్స్ హజ్బెండ్, కొత్త భార్య అదితితో ఎలా ఎంజాయ్ చేస్తున్నాడో చూసేందుకు రోజూ ఒకే ట్రైన్‌లో ప్రయాణిస్తుంటుంది. వారిద్దరి మధ్య ఆనందాన్ని చూసిన ఆమె, తన ప్లేస్‌లో ఉన్న అదితి మీద జలస్ ఫీలవుతూ తనను వెంటాడుతుంది. ఈ క్రమంలోనే అదితి మర్డర్‌కు గురవుతుంది. పోలీసులు పరిణీతిని నిందితురాలిగా గుర్తించి కేసు దర్యాప్తు ప్రారంభిస్తారు. కానీ తను కాకుండా మరో వ్యక్తి సస్పెక్ట్‌గా తేలుతాడు! ఇంతకీ తనెవరు? తనకు తన భర్తకు ఉన్న సంబంధం ఏంటి?
ఇక యాక్సిడెంట్‌లో బ్రెయిన్ డ్యామేజ్ అయిన పరిణీతి కొత్తగా మెమొరీస్‌ను క్రియేట్ చేసుకోలేదు. మరి అలాంటప్పుడు.. అదితి మర్డర్ జరిగిన రోజు రాత్రి ఏం జరిగిందనేది ఎలా గుర్తుకు తెచ్చుకుంటుంది? ఇంతకీ నిజమైన హంతకుడు ఎవరు? అనేది కథ. రిలయన్స్ ఎంటర్‌టైన్మెంట్ బ్యానర్‌పై రూపుదిద్దుకుంటున్న సినిమాకు రిభు దాస్ గుప్తా దర్శకులు కాగా.. అవినాష్ తివారి, కిర్తి కుల్హారి, ఇషితా దత్తా ప్రధానపాత్రల్లో కనిపించబోతున్నారు.
