ఆ హీరో ఫ్యాన్ క్లబ్ చైర్మన్‌గా ప్రకటించుకున్న సీనియర్ నటుడు
దిశ, సినిమా : మాలీవుడ్ ఫిల్మ్ ‘జోజి’పై సర్వత్రా ప్రశంసల వర్షం కురుస్తోంది. ఫాహద్ ఫాజిల్ హీరోగా తెరకెక్కిన ఈ మూవీ అమెజాన్ ప్రైమ్‌లో స్ట్రీమ్ అవుతుండగా.. ఇప్పటి వరకు చాలా మంది నటీనటులు ‘ఫాహద్ అండ్ ఫ్రెండ్స్’ టీమ్ వర్క్‌కు బెస్ట్ కాంప్లిమెంట్స్ ఇచ్చారు. తాజాగా ఈ లిస్ట్‌లో బాలీవుడ్ నటుడు గజరాజ్ రావు కూడా చేరిపోయారు. తనకు తానుగా ఫాహద్ ఫాజిల్ ఫ్యాన్ క్లబ్ (నార్తర్న్ రీజియన్) చైర్మన్‌గా ప్రకటించుకున్న ఆయన.. ఈ సినిమా డైరెక్టర్ దిలీష్‌తో పాటు ఇతర మలయాళ ఫిల్మ్ మేకర్స్‌ను పొగడ్తల్లో ముంచెత్తారు.
రీసెంట్‌గా ‘జోజి’ చూసిన తాను.. కాన్‌స్టంట్‌గా ఒరిజినల్ ఐడియాస్‌తో వస్తున్న ఫాహద్ అండ్ ఫ్రెండ్స్, దాన్ని సిన్సియర్‌గా ఎగ్జిక్యూట్ చేసే క్రమంలో మంచి సినిమా చేయడం అస్సలు బాగాలేదంటూ ఫన్నీగా చెప్పాడు. రీజనల్ సినిమాలు.. ముఖ్యంగా హిందీ మూవీస్‌ నుంచి మీరు కొన్ని విషయాలు నేర్చుకోవాలని సలహా ఇచ్చాడు. ‘సో కాల్డ్ మార్కెటింగ్ క్యాంపెయిన్స్, ప్రమోషన్స్ ఎక్కడ ఉన్నాయి? సోల్‌లెస్ రీమేక్స్ ఎక్కడ కనిపిస్తున్నాయి? వీకెండ్ బాక్సాఫీస్ కలెక్షన్ల హడావిడి ఏది? దిస్ ఈజ్ టూ మచ్..’ అంటూ మాలీవుడ్‌ను పొగుడుతూనే బాలీవుడ్‌పై సెటైర్లు వేశాడు. సిన్సియర్‌గా గుడ్ వర్క్ కంటిన్యూ చేస్తూ బెస్ట్ ఔట్‌పుట్‌తో రావాలని కోరిన ఆయన.. నాన్ – పాండమిక్ వరల్డ్‌లో మీ సినిమాలను ఫస్ట్ డే, ఫస్ట్ షో చూసేందుకు పాప్ కార్న్‌తో రెడీగా ఉంటానని తెలిపాడు.
