ఆశ్చర్యం.. ఐదుకాళ్లతో పుట్టిన మూగజీవి.. ఎక్కడంటే..?

దిశ, కోటపల్లి: కోటపల్లి మండలం లింగన్నపేట గ్రామ పంచాయతీలో సోమవారం వింత లేగ దూడ జన్మించింది. గ్రామానికి చెందిన కొండగుర్ల సమ్మయ్య ఇంట్లోని ఆవుకి ఐదు కాళ్ళతో లేగ దూడ పుట్టింది. దూడ వెనుక 2 కాళ్ళ మధ్యలో మరొక కాలు రావడం ఆశ్చర్యకరం. ఈ విషయం తెలుసుకున్న ప్రజలు దానిని చూసేందుకు పెద్ద సంఖ్యలో తరలివస్తున్నారు. ఇలాంటివి జన్యుపరమైన లోపాలతో పుడతాయని పశుసంవర్ధక శాఖ అధికారులు తెలిపారు.