యుగాది - ఉగాది

మలయ మారతం వేళ

నా నడక ప్రయాణం

పడమటి సూరీడింకా

కొండకోనల్లోకి జారుకోలేదు

వెలుగు రేఖల నీడలు

పొడుగ్గా ఉండి అవతలి నుండి

ఎవరో పిలుస్తున్నట్టు

ఎదను తాకిన పిల్ల గాలి

రాయబారం అందింది

మరు మల్లెల సువాసన

నాతో దొంగాటాడుతోంది

నేను వెతికి ఓటమితో

జతకట్టాను

నాలో గతకాలపు నిరాశ రాలి

కొంగొత్త ఆశా చూరుల కేళి

తొలినాటి వలపు రాగాలాలపించాయి

లేత క్రొత్తగా మరో వత్సరపు దీప్తిగా

నా ప్రయాణం ముందుకు

భవిష్యత్తు ఆలోచనలు వేగం

ఇంకాస్త ముందుకు

కనులు తెరిచి చుస్తే

తెలుపు చీర మీద

ముదరాకుపచ్చ బుటాతో

నుదుటున ఎర్రని కిరణాల

సింధూరం నుదుటున అద్ది

నిండు ముత్తయిదువులా

ఆహ్వానం పలుకుతుంది

ఆనందాల హేళా

విలాసాల క్రీడలో

నన్ను నేను మరుస్తున్న

మురుస్తున్న సంధ్యా వేళలో

క్రీగంటి నన్ను పలకరించింది

మన యుగాది

నా మది ఉగాది..

యం. లక్ష్మి

తెలుగు అధ్యాపకులు