ఏదో తక్కువ...

వీడు, వాడు,

ఇంకొకడు, మరొకడు

ఏ ఒక్కరెవరూ తేడా కాదు మరొకరికి..

అందరికీ

ఒకే ఆకలికి తీరే

కడుపు కోరిక ఒకటే...

ఒకే మాటకి

ఇష్టం పలికే బదులు ఒకటే...

కానీ ఏ ఒక్కరూ

మరొకరితో తూగని ఎక్కువ

ఏదో తక్కువ.

వీడు

పురాతన కొలమానం

ఆయుధంగా ఊపిరి కాగా

వెలి వేసుకుంటాడు చిత్రంగా...

వాడు

చదువు నేర్పిన హక్కు ఇచ్చిన

ఆలోచన ఎక్కించిన మెట్టుతో

మొదలవుతాడు గొప్పగా....

ఇంకోడు

కూడపెట్టిన కొండను తవ్వి

వంశ చరిత్రను మోస్తూ

తాత పోలికతో తరాన్ని ఏలుతాడు గుడ్డిగా..

మరొకడు

పుట్టుకలో బలాన్ని

పేరులో పిలిపించుకునే బలగంతో

ఏ మూలకైనా గుట్టుగా పాకుతుంటాడు...

వీరందరిలో

ఏదోక బలహీనత బలంగా

జరిగే పెనుగులాటలో

ఎదుట వారిలో ఏదో ఒక బలం

గురి చూడక తప్పదు

గుచ్చుకోక తప్పదు..

చందలూరి నారాయణరావు

97044 37247