విజయ తిలకం పెట్టిన జమున.. కరీంనగర్‌కు బయలుదేరిన ఈటల (వీడియో)

దిశ, కరీంనగర్ ప్రతినిధి : హుజురాబాద్ ఉప ఎన్నికల ఓట్ల లెక్కింపు ప్రక్రియ కొనసాగుతోంది. ఓట్ల లెక్కింపులో బీజేపీ దూసుకుపోతున్నది. ఈటల రౌండ్.. రౌండ్‌కు తన ఆధిక్యాన్ని పెంచుకుంటున్నారు. 17వ రౌండ్ వరకు హుజురాబాద్‌లోనే ఉండి కౌంటింగ్ సరళిని పరిశీలించిన ఈటల రాజేందర్.. ఇప్పుడే కరీంనగర్‌కు ఆయన సతీమణి జమునతో కలిసి కారులో బయలుదేరారు.

ఈ సందర్భంగా ఈటలకు బీజేపీ కార్యకర్తలు అభినందనలు తెలిపారు. జై ఈటల అంటూ నినాదాలు చేస్తూ విజయ కేతనం ఎగురవేశారు. దీంతో ఆయనకు ఘన స్వాగతం పలికేందుకు బీజేపీ నేతలు, కార్యకర్తలు రెడీ అవుతున్నారు.