బ్యాడ్ కామెంట్.. ఆ మూవీ నుండి యువరాజ్ తండ్రి ఔట్

దిశ, వెబ్‌డెస్క్ : టీం ఇండియా మాజీ క్రికెటర్ యువరాజ్ సింగ్ తండ్రి యోగరాజ్ సింగ్ ‘ది కశ్మీర్ ఫైల్స్’అనే సినిమాలో నటిస్తున్న విషయం తెలిసిందే. తాజాగా దేశ రాజధాని ఢిల్లీలో రైతుల నిరసనలకు సంఘీభావంగా ఆయన అందులో పాల్గొన్నారు. ఈ సందర్బంగా యోగరాజ్ హిందూ మహిళలపై చేసిన కామెంట్స్ కాంట్రవర్సీగా మారే అవకాశం ఉండటంతో ఆయన్ను ఈ మూవీ నుంచి తప్పిస్తున్నట్లు దర్శకుడు వివేక్ రంజన్ అగ్నిహోత్రి ప్రకటించారు.

కాగా, రైతుల ఆందోళనల క్రమంలో యోగరాజ్ సింగ్ మాట్లాడుతూ.. హిందూ మహిళలను “రెండు సెంట్లకు అమ్మారు” అని సంచలన వ్యాఖ్యలు చేశారు. దానిపై డైరక్టర్ అగ్నిహోత్రి స్పందిస్తూ.. “ఇది హిందూ, ముస్లిం మహిళల గురించి కాదు.. అతను మహిళల గురించి చాలా చెడ్డగా మాట్లాడాడు” .. “నేను ఒక కమర్షియల్ ఫిల్మ్ మేకర్ కాకపోయినా.. ఒక ఉద్దేశ్యంతో సినిమాలు తీస్తాను” యోగరాజ్ ఇలాంటి వ్యాఖ్యలు చేసినందుకు ఇక మీదట ఆయన తన సినిమాలో కొనసాగబోరని స్పష్టంచేశారు.