Garuda Purana : అస్థికలను గంగా నదిలో ఎందుకు కలుపుతారు.. గరుడ పురాణం ఏం చెబుతోంది..
దిశ, వెబ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌డెస్క్ : హిందూ మతంలో పుట్టుక నుండి మరణం వరకు అనేక సంప్రదాయాలు అనుసరిస్తారు. వీటిని 16 సంస్కారాలు అంటారు. అదే సమయంలో 16వ ఆచారానికి సంబంధించిన అనేక సంప్రదాయాలు ఉన్నాయి. అంటే చివరి కర్మలు, ముఖ్యమైనవి. అంత్యక్రియల అనంతరం అస్థికలను నిమజ్జనం చేసే సంప్రదాయం వీటిలో ఒకటి. సనాతని ప్రజలు మరణించిన తర్వాత వారి కుటుంబ సభ్యుల అస్థికలను సేకరించి గంగా నదిలో నిమజ్జనం చేస్తారు. అయితే మూడు రోజుల తర్వాత మాత్రమే అస్తికలను ఎందుకు సేకరించి నిమజ్జనం చేస్తారు ? ఈ విషయాలన్నింటి సంబంధించిన రహస్యం గరుడ పురాణంలో ఉంది. జ్యోతిష్యపండితుల ప్రకారం అస్తికలు నిమజ్జనానికి సంబంధించిన ఈ సంప్రదాయం, దాని వెనుక ఉన్న రహస్యం గురించి తెలుసుకుందాం.
మీరు గరుడ పురాణం గురించి వినే ఉంటారు. ఇది 18 పురాణాలలో ఒకటి. ఇది పుట్టుక నుండి మరణం వరకు అనేక విషయాలు, సంప్రదాయాలను ప్రస్తావిస్తుంది. అంత్యక్రియల తర్వాత సేకరించిన అస్తికల గురించి వీటిని మరణించిన మూడవ, ఏడవ, తొమ్మిదవ రోజున సేకరిస్తారని చెప్పారు. అలాగే వాటిని 10 రోజుల్లో గంగా నదిలో నిమజ్జనం చేయాలి. గంగా నదితో పాటు నర్మదా నది, గోదావరి నది, కృష్ణా నది, బ్రహ్మపుత్ర మొదలైన నదులలో కూడా అస్థికలను నిమజ్జనం చేయవచ్చు.
అస్థికలు నిమజ్జనం ఎందుకు చేస్తారు..
మన శరీరం ఐదు తత్వాలతో రూపొందించారు. చివరి కర్మల తర్వాత శరీరం పంచ భూతాలలో కలిసిపోతుంది. ఆత్మ అమరత్వం, నాశనం చేయలేనిది అని గీతలో చెప్పారు. అందుకే చివరి కర్మల తర్వాత ఆత్మ బయటకు వచ్చి కొత్త జీవితానికి వెళుతుంది. అస్థికలను నిమజ్జనం చేయడం వల్ల ఒక వ్యక్తి ఈ లోకం నుండి విముక్తి పొందుతాడని, అతని ఆత్మకు శాంతి కలుగుతుందని పురాణం చెబుతుంది.
