హిందూ మతంలో ఈశాన్య మూలకు ప్రాముఖ్యత ఏమిటి.. ఈ దిశలో పూజలు ఎందుకు చేస్తారు ?

దిశ, ఫీచర్స్ : హిందూ మతంలో ఇంటి ఈశాన్య దిశను పూజకు అత్యంత పవిత్రంగా భావిస్తారు. ఈ దిశను ఈశాన్య కోనం అంటారు. మతవిశ్వాసాల ప్రకారం దేవుడు ఈ దిశలో నివసిస్తున్నట్లు భావిస్తారు. అందుకే ఇంట్లో ఈ దిశలో ఏదైనా ఉంచే ముందు వాస్తు శాస్త్రానికి సంబంధించిన కొన్ని నియమాలను గుర్తుంచుకోవాలి. ప్రతి దిశ, ప్రతికోణం ప్రాముఖ్యత వాస్తు శాస్త్రంలో వివరించారు. ఆ దిశ ప్రత్యేకతను గుర్తించి ఆచారాలు పాటిస్తే మంచి ఫలితాలు ఉంటాయని చెబుతున్నారు.

వాస్తుశాస్త్రంలో ఎనిమిది దిశలను వివరంగా వివరించారు. ఈ దిశలలో ఒకటి ఈశాన్య దిశ లేదా ఇశాన్య కోణం అంటారు. తరచుగా జ్యోతిష్కులు, పండితులు ఈ దిశలో పూజలు లేదా మంత్రాలను పఠించమని చెబుతుంటారు. ఈ దిశలో కూర్చొని తరచుగా మతపరమైన, శుభ కార్యక్రమాలు నిర్వహిస్తారు. ఈ దిక్కున కూర్చొని మంత్రాలు జపిస్తే మనిషి త్వరగా సిద్ధి పొందగలరు.

ఈశాన్య మూల ప్రాముఖ్యత...

మతపరమైన దృక్కోణం నుండి చూస్తే దేవతలు ఈశాన్య మూలలో నివసించినట్లు భావిస్తారు. అందుకే పూజా స్థలాన్ని ఈశాన్య మూలలో ఉంచాలని సలహా ఇస్తారు. ఈ దిశలో కూర్చుని పూజచేయమని కోరతారు. సానుకూల శక్తి ఎల్లప్పుడూ ఈ దిశలో ప్రసరిస్తుందని నమ్ముతారు. అందుకే వాస్తు శాస్త్రంలో, మత గ్రంథాలలో, ఈ దిశ చాలా పవిత్రమైనది, శుభప్రదంగా భావిస్తారు. మీరు ఈ దిశలో పరిశుభ్రతను పాటించి, ఇంట్లో పూజలు ఇక్కడ చేస్తే మీ జీవితంలో ఎప్పుడూ సమస్యలు ఎదురుకావంటున్నారు పండితులు.

ఈశాన్య మూలలో పూజ ప్రాముఖ్యత..

హిందూ మతంలో ఈశాన్య మూలలో ప్రార్థనా స్థలం ఉండటం చాలా పవిత్రమైనదిగా భావిస్తారు. ఈ దిశలోని గోడల రంగు పసుపు రంగులో ఉంచడం చాలా శుభప్రదంగా పరిగణిస్తారు. డబ్బును ఈ దిశలో పెట్టుకోవచ్చు. కానీ వాస్తు ప్రకారం డబ్బు ఉంచడానికి ఉత్తమమైన ప్రదేశం ఉత్తర దిక్కుగా చెబుతారు. ఈ దిశలో ఆరాధించడం ద్వారా ప్రజలు ఎప్పుడూ సమస్యలను ఎదుర్కొనరు. జీవితంలోని కష్టాల నుండి ఉపశమనం పొందుతారు.

ఈశాన్యంలో ఏమి చేయకూడదు..

వాస్తు ప్రకారం ఇంట్లో ఈశాన్య మూలలో ఏదైనా బరువైన వస్తువును ఉంచడం అశుభం. ఈ స్థలంలో బరువైన వస్తువులు ఉంచితే ఇంట్లో డబ్బుకు కొరత ఏర్పడుతుంది. ఈశాన్య మూలలో స్టోర్ రూమ్‌లు మొదలైన వాటిని నిర్మించకూడదు. ఈ దిశలో ఎప్పుడూ బూట్లు, చెప్పులు, చెత్తను పెట్టకూడదు. ఇలా చేయడం వల్ల ఇంట్లో సమస్యలు రావడం మొదలై అనేక రకాల సమస్యలను ఎదుర్కోవాల్సి వస్తుంది.