శనిదేవుని అనుగ్రహం పొందాలనుకుంటున్నారా.. శమీ మొక్కకు ఈ వస్తువులు కట్టండి..

దిశ, ఫీచర్స్ : మన ఇళ్లలో ఆనందం, శ్రేయస్సు, సానుకూలతను తీసుకురావడానికి తరచుగా మన ఇళ్లలో అనేక రకాల మొక్కలను నాటుతాము. అలాగే శని దేవుడికి సంబంధించినదిగా పరిగణించే షమీ మొక్కకు పూజిస్తాం. ఈ మొక్కను ఇంట్లో నాటడం ద్వారా శనిదేవుని ఆశీస్సులు ఉంటాయని చెబుతారు. వాస్తు దోషాలు కూడా తొలగిపోతాయని పురాణాలు చెబుతున్నాయి. మరి ఈ మొక్క ద్వారా శని దేవుడి ఆశీర్వాదాలను ఎలా పొందాలో ఇప్పుడు తెలుసుకుందాం.

జాతకంలో శని ప్రభావం...

నవగ్రహాలు మన జాతకాన్ని ప్రభావితం చేస్తూనే ఉంటాయి. ఈ తొమ్మిది గ్రహాలలో, శని లేదా శని దోషం వ్యక్తిని ఎక్కువగా ప్రభావితం చేస్తుంది. వేద జ్యోతిషశాస్త్రం ప్రకారం శని గ్రహం కర్మ ఫలితాలను ఇచ్చే వ్యక్తిగా పరిగణిస్తారు. జీవితంలో ప్రతి రాశికి చెందిన వ్యక్తి శని దశను ఎదుర్కోవలసి ఉంటుంది. దీని రక్షణ కోసం అనేక రకాల నివారణలు సూచించారు. వాటిలో ఒకటి శమీ వృక్షాన్ని పూజించడం.

శనిదేవునితో శమీ వృక్షానికి ఉన్న సంబంధం..

శనిదేవుడికి శమీ వృక్షం అంటే చాలా ఇష్టమని నమ్ముతారు. జ్యోతిషశాస్త్రంలో కూడా శమీ మొక్కకు ఎంతో ప్రాధాన్యత ఉంది. వాస్తు శాస్త్రం ప్రకారం శమీ చెట్టును ఇంట్లో నాటడం వల్ల సానుకూల శక్తి వస్తుంది. ఇంట్లో ఆనందం, శ్రేయస్సు కూడా వస్తుంది.

శనిదేవుని అనుగ్రహం పొందడానికి, శమీ చెట్టును క్రమం తప్పకుండా పూజించాలి. శని లేదా సోమవారం శమీ చెట్టు కొమ్మకు ఎరుపు రంగు కలువను కట్టాలి. కలువను కట్టేటప్పుడు, మీరు మీ ఇంట్లో సుఖ సంతోషాలు, శ్రేయస్సు కోసం శనిదేవుడిని ప్రార్థిస్తూ ఉండాలి. ఇలా చేయడం వల్ల జాతకంలో రాహువు స్థానం బలపడుతుందని, దుష్ప్రభావాలు కూడా తగ్గుతాయని నమ్మకం.

ఈ దిశలో శమీ చెట్టును నాటండి..

వాస్తు శాస్త్రం ప్రకారం ఇంటి ప్రధాన ద్వారం కుడి వైపున శమీ చెట్టును నాటడం చాలా శుభప్రదంగా పరిగణిస్తారు. మీ ఇంటి ద్వారం వద్ద చెట్టు నాటడానికి స్థలం లేకపోతే, మీరు మీ డాబా పై దక్షిణం వైపు శమీ చెట్టును నాటవచ్చు.

ఈ రోజున శమీ చెట్టును నాటడం శ్రేయస్కరం..

వాస్తు శాస్త్రం ప్రకారం శమీ చెట్టును శనివారం, విజయదశమి రోజున నాటాలి. ఈ రోజున శమీ చెట్టును నాటడం ద్వారా శనిదేవుని అనుగ్రహం లభిస్తుంది.

గమనిక : ఇక్కడ అందించిన సమాచారం ఇంటర్నెట్ నుంచి తీసుకున్నది. ‘దిశ’ ఈ విషయాలను దృవీకరించడం లేదు.