సాఫ్ట్‌వేర్ ఉద్యోగినికి బెదిరింపులు.. ఇద్దరి అరెస్ట్
దిశ,వెబ్‌డెస్క్: ఇటీవల కాలంలో సైబర్ నేరగాళ్ల అరాచాకాలు పెరిగిపోతున్నాయి. ఆన్‌లైన్ డబ్బులు(Online Money) తీసుకొని చెల్లించడం లేదని వేధింపులు చేయడంతో.. వేధింపులు భరించలేక ఆత్మహత్యలు చేసుకుంటున్న ఘటనలు వెలుగు చూస్తున్న విషయం తెలిసిందే. దీంతో ఈ మధ్య సైబర్ మోసగాళ్ల(Cyber fraudsters) ఉచ్చులో పడకుండా పోలీసులు అవగాహన కార్యక్రమాలు నిర్వహించడం జరిగింది. వివరాల్లోకి వెళితే.. తిరుపతి జిల్లా సూళ్లూరుపేట(Sullurupeta)లో లోన్(Loan) డబ్బులు కట్టాలని యువతిని వేధింపులకు గురి చేసిన ఇద్దరు రికవరీ ఏజెంట్లను పోలీసులు అరెస్ట్ చేశారు.
ఈ ఘటనపై జిల్లా ఎస్పీ సుబ్బారాయుడు మీడియాతో మాట్లాడుతూ.. సూళ్లూరు పేటకు చెందిన యువతి హైదరాబాద్‌లో సాఫ్ట్‌వేర్ ఇంజినీర్‌గా పనిచేస్తోంది. 6 నెలల క్రితం ఆమె ఫినబుల్ యాప్‌లో లోన్ తీసుకున్నట్లు తెలిపింది. సమయానికి EMI చెల్లించకపోవడంతో తన ఫొటోలను అసభ్యకరంగా మార్చి సోషల్ మీడియాలో పోస్ట్ చేస్తామని బెదిరించారు. అంతేకాదు బాధితురాలి తల్లిదండ్రులు, బంధువులకు ఫోన్ చేసి డబ్బులు కట్టలేదని చెప్పారు. అంతటితో ఆగకుండా ఆమె సోదరుడికి కొన్ని న్యూడ్ ఫొటోలు కూడా పంపించారు. ఏజెంట్ల వేధింపులు తాళలేక యువతి పోలీసులను ఆశ్రయించింది. ఈ ఘటన పై సీరియస్‌గా స్పందించిన పోలీసులు ఇద్దరు నిందితులను అరెస్ట్ చేశారు. నాన్ బ్యాంకింగ్ ఫైనాన్స్ కంపెనీల వద్ద రుణాలు తీసుకునే సమయంలో జాగ్రత్త అవసరమని జిల్లా ఎస్పీ తెలిపారు.
