గంజాయి రవాణా చేస్తున్న ముగ్గురు అరెస్ట్

దిశ,ఉప్పల్ : గంజాయి రవాణా చేస్తున్న ముగ్గురిని పోలీసులు అరెస్టు చేశారు. ఈ సంఘటన నాచారం పోలీస్ స్టేషన్ పరిధిలో చోటు చేసుకుంది. పోలీసులు తెలిపిన వివరాల ప్రకారం ఉత్తరప్రదేశ్ కు చెందిన సుధమకుమార్ మల్లాపూర్ గోకుల్ నగర్ లో నివాసం ఉంటున్నాడు.

తన వద్ద ఉన్న 113 గ్రాముల గంజాయిని ఆకాష్ యాదవ్, పవన్ కుమార్ కు సరఫరా చేస్తుండగా విశ్వసనీయమైన సమాచారం మేరకు నాచారం ఎస్సై బి.వెంకటయ్య, ఎస్ఓటీ పోలీస్ లతో కలిసి దాడి చేసి పట్టుకున్నారు. వారి వద్ద నుంచి 113 గ్రాముల గంజాయి, ఒక సెల్ ఫోన్ స్వాధీనం చేసుకొని కేసు నమోదు చేసి రిమాండ్ కు తరలించామని పోలీసులు తెలిపారు.