20 క్వింటాల్ల పీడీఎస్ రైస్ పట్టివేత..

దిశ, కోరుట్ల : 20 క్వింటాల్ల అక్రమ రేషన్ బియ్యాన్ని పట్టుకున్నట్లు మెట్ పల్లి సీఐ నిరంజన్ రెడ్డి తెలిపారు. సీఐ తెలిపిన వివరాల ప్రకారం నిజామాబాద్ జిల్లా ఆర్మూర్ గ్రామానికి చెందిన పద్మ రంజిత్ కుమార్ అనే వ్యక్తి మెట్ పల్లి మండలంలోని వేంపేట, చుట్టుపక్క గ్రామాల్లో ఎలాంటి అనుమతి లేకుండా పేదల రేషన్ బియ్యాన్ని తక్కువ ధరకు కొని మహారాష్ట్రలో అమ్మడానికి తీసుకొని వెళుతున్నాడు.

ఈ సమాచారం అందుకున్న సీఐ నిరంజన్ రెడ్డి తన సిబ్బందితో టాటా మ్యాజిక్ TS 07 UF 6840 (ఆటో)ను పట్టుకుని పద్మ రంజిత్ అనే వ్యక్తి పై కేసు నమోదు చేసి ఆటోను సీజ్ చేశామన్నారు. పట్టుకున్న రేషన్ బియ్యాన్ని సివిల్ సప్లై అధికారులకు పంపనున్నట్లు తెలిపారు. సీఐ వెంట మెట్ పల్లి ఎస్సై చిరంజీవి, పోలీస్ సిబ్బంది పాల్గొన్నారు.