తాటిచెట్టుపై నుండి పడి గీత కార్మికుడు మృతి

దిశ, మానకొండూరు : కరీంనగర్ జిల్లా మానకొండూర్ మండలం పచ్చునూర్ గ్రామానికి చెందిన ముడగాని కనుకయ్య (60) అనే కల్లుగీత కార్మికుడు గురువారం ప్రమాదవ శాత్తు కాలు జారి తాటి చెట్టుపై నుండి కిందపడి అక్కడికక్కడే మృతి చెందాడు. కనుకయ్య కల్లు గీసుకుంటూ తన కుటుంబాన్ని పోషించుకుంటుండే వాడు. రోజులాగా తాటి చెట్లు ఎక్కడానికి వెళ్లాడు. ప్రమాదవశాత్తు తాటి చెట్టుపై నుండి కాలు జారి కింద పడడంతో తీవ్రగాయాల పాలై అక్కడికక్కడే కన్నుమూశాడు.

అదే సమయంలో అటుగా వెళ్తున్న అదే గ్రామానికి చెందిన గొర్ల కాపరికి కనుకయ్య మృతదేహం కంటపడడంతో మృతుడి కుటుంబ సభ్యులకు ఫోన్ ద్వారా సమాచారం అందించాడు. విషయం తెలుసుకున్న కుటుంబ సభ్యులు, గ్రామస్తులు సంఘటనా స్థలానికి చేరుకొని కన్నీరు మున్నీరుగా విలపించారు. సమాచారం అందుకున్న పోలీసులు సంఘటనా స్థలానికి చేరుకొని కేసు నమోదు చేసుకొని పోస్ట్ మార్టం కోసం శవాన్ని కరీంనగర్ ప్రభుత్వాఆసుపత్రికి తరలించారు.