ఘోర రోడ్డు ప్రమాదం..నలుగురు మృతి..
దిశ, హనుమకొండ టౌన్ : హన్మకొండ జిల్లాలో ఆదివారం సాయంత్రం ఘోరరోడ్డు ప్రమాదం జరిగింది. ఆత్మకూరు మండలంలోని నిరుకుళ్ల.. ఆత్మకూర్ వెళ్ళే ఎన్ హెచ్ 163 ప్రధాన రహదారి పై జరిగిన రోడ్డు ప్రమాదంలో కారులో ప్రయాణిస్తున్న నలుగురు అక్కడికక్కడే మృతిచెందగా, కారు డ్రైవర్ తో పాటు మరో మహిళ తీవ్ర గాయాలతో ఉండగా హాస్పిటల్ కి తరలించారు. ఇద్దరు అమ్మయిలు క్షేమంగా ఉన్నట్లు సమాచారం. అందులో ఒకరి పరిస్థితి విషమంగా ఉన్నట్టు సమాచారం.
అయితే వారంతా ఉదయం కారులో మేడారం సమ్మక్క సారలమ్మ దర్శనానికి వెళ్లి తిరిగి వస్తున్న క్రమంలో ఈ ఘటన జరిగినట్లు తెలుస్తోంది. శ్రీ వేంకటేశ్వర ట్రాన్స్ పోర్ట్ టిప్పర్ బలంగా ఢీ కొట్టడంతో కారు నుజ్జునుజ్జు కాగా, తీవ్ర గాయాలపాలైన వారు నలుగురు కారులోనే ప్రాణాలు విడిచినట్లు స్తానికులు చెబుతున్నారు. కాగా చనిపోయిన వారిలో ఇద్దరు పురుషులు, ఇద్దరు మహిళలు ఉన్నట్లు తెలుస్తోంది. ఇందులో ఇద్దరు అమ్మాయిలు క్షేమంగా ఉన్నట్లు తెలుస్తుంది. వారంతా గ్రేటర్ వరంగల్ పరిధి కాశీబుగ్గ వాసులుగా తెలుస్తోంది.. ఇందుకు సంబంధించిన పూర్తివివరాలు తెలియాల్సి ఉంది.
