అక్రమంగా ఉంచిన పశువులు పట్టివేత

దిశ, కోదాడ : ఓ పాతపడిన గోదాంలో అక్రమంగా ఉంచిన 26 పశువులను గురువారం పోలీసులు పట్టుకున్నారు. రూరల్ ఎస్సై అనిల్ రెడ్డి తెలిపిన వివరాల ప్రకారం కోదాడకు చెందిన షేక్. గులాం, షేక్. గౌస్ లు కోదాడ మండల పరిధిలోని ద్వారకుంట గ్రామ శివారులోని ఇండస్ట్రియల్ ఏరియాలోని ఓ పాడుబడ్డ గోదాంలో ఎలాంటి అనుమతి లేకుండా పశువులు కొనుగోలు చేసి వాటిని కబేళాలకు తరలించడానికి సిద్ధం చేశారు. వీటిని హైదరాబాద్ కు తరలించనున్నట్టు చెప్పారు. పక్కా సమాచారంతో కోదాడ రూరల్ పోలీసులు దాడి చేసి వాటిని గోశాలకు తరలించినట్టు పేర్కొన్నారు. కేసు నమోదు చేసుకుని దర్యాప్తు చేస్తున్నట్లు తెలిపారు.