గుర్తు తెలియని మృతదేహం లభ్యం
దిశ, కామారెడ్డి : కామారెడ్డి పట్టణంలోని పంచముఖి హనుమాన్ కాలనీ హనుమాన్ టెంపుల్ పక్కనే ఉన్న రైల్వే ట్రాక్ కి కొద్ది దూరంలో ఓ గుర్తు తెలియని వ్యక్తి మృతదేహం లభ్యమైనట్లు పట్టణ సీఐ చంద్రశేఖర్ రెడ్డి తెలిపారు. సుమారు 35 నుంచి 40 సంవత్సరాల వయసు గల వ్యక్తి అనుమానాస్పద స్థితిలో మృతి చెందాడని తెలిపారు. ప్లాస్టిక్ బియ్యం సంచి, లుంగీలో శవాన్ని కట్టి మూడు, నాలుగు రోజుల కిందట చనిపోయినట్లుగా భావిస్తున్నట్టు తెలిపారు.
ఎక్కడో చంపి ఇక్కడ పడేసినట్టు చెప్పారు. మృతిని కుడిచేతి పైన పచ్చబొట్టు హిందీ, ఇంగ్లీష్ లో ఉందని, హనుమాన్ దేవుని బొమ్మ కూడా ఉందన్నారు. ఇతను తెలుపు, బ్లూ రంగు గల ఫుల్ హాండ్స్ షర్ట్, బ్లూ కలర్ జీన్స్ ప్యాంట్ వేసుకుని ఉన్నాడని, నడుముకి ఎరుపు రంగు మొలదారం కలదన్నారు. సదరు వ్యక్తిని గుర్తుపట్టిన వారు కామారెడ్డి పట్టణ పోలీస్ స్టేషన్ లో సంప్రదించాలని కోరారు.
