బైక్ అదుపు తప్పి కిందపడి యువకుడు దుర్మరణం

దిశ, వెల్గటూర్ : మండల పరిధిలోని ముత్తునూర్ లో ముక్తేశ్వర లిఫ్ట్ ఇరిగేషన్ రోడ్డు క్రాసింగ్ వద్ద బైక్ అదుపు తప్పి కింద పడిన ఘటనలో అంబారిపేట గ్రామానికి చెం దిన ఆరెల్లి విఘ్నేష్ (20)అనే యువకుడు మృతి చెందాడు. శనివారం రాత్రి ఇద్దరు యువకులు ముత్తునూర్ వైపు నుంచి కప్పరావుపేట్ గ్రామం వైపు బైక్ పై వస్తున్న క్రమంలో ముక్తేశ్వర లిఫ్ట్ ట్యాంక్ క్రాసింగ్ వద్ద బైక్ అదుపు తప్పి కింద పడిపోయింది. ఈ ప్రమాదంలో తీవ్రంగా గాయపడిన విఘ్నేష్ అక్కడికక్కడే మృతి చెందగా స్వల్ప గాయాలతో మరో యువకుడు ప్రమాదం నుంచి బయటపడినట్లు సమాచారం. ఈ ప్రమాదం గురించి పూర్తి వివరాలు తెలియాల్సి ఉంది.