మెట్ పల్లిలో పట్టపగలే చోరీ

దిశ, కోరుట్ల : జగిత్యాల జిల్లా మెట్ పల్లి పట్టణంలో పట్టపగలే దొంగలు రెచ్చి పోయారు. తన కూతురికి అన్నం తినిపించే క్రమంలో మహిళపై దాడి చేసి పుస్తెలతాడు ఎత్తుకెళ్లారు. బాధితురాలు తెలిపిన వివరాల ప్రకారం...మెట్ పల్లి పట్టణంలోని 12వ వార్డులో నివసిస్తున్న కందనవేణి వాణి అనే మహిళ ఆరుబయట తన కూతురికి అన్నం తినిపిస్తుంది.

ఈ క్రమంలో ఇద్దరు గుర్తు తెలియని వ్యక్తులు ద్విచక్ర వాహనంపై వచ్చి మహిళపై దాడి చేశారు. ఆమె కేకలు వేయడంతో కిందకు తోసి అనంతరం మెడలోని మూడున్నర తులాల పుస్తెలతాడు, అరతులం నల్లపూసల గొలుసు ఎత్తుకెళ్లారు. సమాచారం అందుకున్న పోలీస్ లు ఘటనా స్థలానికి చేరుకొని సీసీ కెమెరా పుటేజీలను పరిశీలిస్తున్నారు.