సీఎం వనపర్తి పర్యటన వాయిదా.. మళ్లీ ఎప్పుడంటే.?

దిశ ప్రతినిధి, మహబూబ్ నగర్ : వనపర్తి జిల్లాలో ఈ నెల 19న జరగవలసిన ముఖ్యమంత్రి కేసీఆర్ పర్యటన ఈ నెల 23కు వాయిదా పడింది. ఈ విషయాన్ని రాష్ట్ర వ్యవసాయ శాఖ మంత్రి నిరంజన్ రెడ్డి శుక్రవారం దిశ కు తెలిపారు. మంత్రివర్గ సమావేశాలు, రాష్ట్ర మంత్రివర్గం, ఎంపీలు, వరి కొనుగోలు విషయంలో కేంద్ర ప్రభుత్వం పై తేల్చుకోవడానికి ఢిల్లీ పర్యటనకు వెళుతున్నందున సీఎం కేసీఆర్ పర్యటన వాయిదా పడినట్లుగా ఆయన తెలిపారు. ఈనెల 23వ తేదీన ముఖ్యమంత్రి పర్యటన ఉంటుందని మంత్రి పేర్కొన్నారు.