OFFICIAL: పవన్ కల్యాణ్‌ అభిమానులకు OG నిర్మాత కీలక విజ్ఞప్తి

దిశ, వెబ్‌డెస్క్: పవర్ స్టార్ పవన్ కల్యాణ్(Pawan Kalyan) అభిమానులకు OG నిర్మాత కీలక విజ్ఞప్తి చేశారు. ఈ మేరకు సోషల్ మీడియా(X) వేదికగా పోస్టు పెట్టారు. ‘‘OG సినిమాపై మీరు చూపిస్తున్న అభిమానం, ప్రేమ మా అదృష్టంగా భావిస్తున్నాము. సినిమాను మీ ముందుకు తీసుకురావడానికి నిరంతరం పని చేస్తున్నాం. కానీ, మీరు పవన్ కళ్యాణ్ గారు పొలిటికల్ సభలకు వెళ్లినప్పుడు, సమయం, సందర్భం చూడకుండా ‘OG OG’ అని అరవడం, వారిని ఇబ్బంది పెట్టడం సరైంది కాదు. వారు ఆంధ్రప్రదేశ్ రాష్ట్ర ఉపముఖ్యమంత్రిగా రాష్ట్ర భవిష్యత్తు కోసం ఎంత కష్టపడుతున్నారో మనందరికీ తెలుసు. ఆ స్థానాన్ని, స్థాయిని గౌరవించడం మన కనీస బాధ్యత. అందుకని ఇంకొన్ని రోజులు ఓపికగా ఉందాం. 2025-OG పండుగ వైభవంగా నిలుస్తుందని మేము గట్టిగా నమ్ముతున్నాం’ అని చిత్ర నిర్మాత డీవీవీ దానయ్య సోషల్ మీడియా వేదికగా రిక్వెస్ట్ చేశారు. ఇదిలా ఉండగా.. ఇప్పటికే ఓజీ సినిమా షూటింగ్ 75 శాతానికి పైగా పూర్తయినట్లు వార్తలు వినిపిస్తున్నారు. వచ్చే ఏడాది దసరా కానుకగా విడుదలయ్యే అవకాశాలు ఉన్నట్లు తెలుస్తోంది. ఈ సినిమాలో పవన్ కల్యాణ్ సరసన ప్రియాంక మోహన్ నటిస్తుండగా.. బాలీవుడ్ హీరో ఇమ్రాన్ హష్మీ, శ్రియారెడ్డి, తమిళ నటుడు అర్జున్ దాస్ కీలక పాత్రల్లో నటిస్తున్నారు.