అవార్డు విన్నర్లకు చిరు, పవన్ విషెస్

దిశ, వెబ్‌డెస్క్: 67వ నేషనల్ ఫిల్మ్ అవార్డులను కేంద్ర ప్రభుత్వం ఇవాళ ప్రకటించిన విషయం తెలిసిందే. ఈ క్రమంలో అవార్డులను గెలుచుకున్న విజేతలకు సినీ ప్రముఖులు అభినందనలు చెబుతున్నారు. తాజాగా మెగాస్టార్ చిరంజీవి, పవర్ స్టార్ పవన్ కల్యాణ్ టాలీవుడ్ నుంచి అవార్డులను గెలుచుకున్న వారికి అభినందనలు తెలిపారు.

‘నేషనల్ అవార్డులను గెలుచుకున్న వారందరికీ ధన్యవాదాలు. తెలుగు, తమిళం, మలయాళ ఇండస్ట్రీల నుంచి అవార్డులు గెలుచుకున్న స్నేహితులకు ప్రత్యేకంగా కంగ్రాట్స్. మంచి సినిమాలకు ఇది మరింత పవర్ ఇస్తుంది’ అని చిరు ట్వీట్ చేశారు.

Hearty Congratulations & Best Wishes to ALL the Winners of 67th #NationalFilmAwards Delighted that the list includes some dear friends from Tamil , Telugu & Malayalam Industries! More Power to Good Cinema!!

— Chiranjeevi Konidela (@KChiruTweets) March 22, 2021

అటు ‘తెలుగు సినిమా రంగం నుంచి జాతీయ అవార్డులకు మహర్షి, జెర్సీ సినిమాలు ఎంపిక కావడం సంతోషంగా ఉంది. ఈ సినిమాల దర్శకులు, నిర్మాతలు ఇదే స్పూర్తితో ప్రేక్షకులను మెప్పించే మరిన్ని మంచి సినిమాలు అందించాలని ఆకాంక్షిస్తున్నా’ అని జనసేన పార్టీ తరపున పవన్ ఒక ప్రకటన విడుదల చేశారు. కాగా జెర్సీ, మహర్షి సినిమాల యూనిట్‌కి పలువురు సెలబ్రెటీలు సోషల్ మీడియా వేదికగా అభినందనలు చెబుతున్నారు.

జాతీయ ఫిల్మ్ అవార్డు విజేతలకు అభినందనలు – JanaSena Chief Shri @PawanKalyan pic.twitter.com/Mw8juQHCtG

— JanaSena Party (@JanaSenaParty) March 22, 2021