Indigo: విద్యార్థులకు గుడ్ న్యూస్.. ఇండిగో ప్రత్యేక ఆఫర్..!
దిశ,వెబ్‌డెస్క్: భారతదేశం(India)లో ఇటీవల కాలంలో విమానాల్లో ప్రయాణం(Air Passengers) చేసే వారి సంఖ్య గణనీయంగా పెరుగుతోన్న విషయం తెలిసిందే. అయితే ప్రయాణికుల్లో విదార్థులు(Students) కూడా ఎక్కువే ఉంటున్నారు. ఈ నేపథ్యంలో స్టూడెంట్స్ కోసం ప్రముఖ దేశీయ విమానయాన సంస్థ ఇండిగో(Indigo) కీలక నిర్ణయం తీసుకుంది. 'స్టూడెంట్ స్పెషల్(Student Special)' పేరుతో ప్రత్యేకమైన ఆఫర్‌ను ప్రకటించింది. ఈ ఆఫర్లో భాగంగా విద్యార్థులకు ఫ్లైట్ టికెట్‌పై 6 శాతం డిస్కౌంట్(Discount)తో పాటు 10 కిలోల వరకు అదనపు లగేజీ(Extra Baggage)తీసుకెళ్లడానికి అవకాశం ఇచ్చింది. ఇండిగో అధికారిక వెబ్‌సైట్‌, యాప్‌ ద్వారా బుకింగ్‌ చేసుకున్నవారికే ఈ ఆఫర్ వర్తిస్తుందని సంస్థ తెలిపింది.
అయితే ఈ ఆఫర్ ఎన్ని రోజుల వరకు అందుబాటులో ఉంటుందో కంపెనీ అధికారికంగా వెల్లడించలేదు. కాగా ఇండిగో ప్రకటించిన ఈ ప్రత్యేక ఆఫర్ కేవలం హైదరాబాద్‌లో కాకుండా గోవా, ముంబై, ఢిల్లీ, బెంగళూరు, చెన్నైతోపాటు 80 రూట్లలో నుంచి నడిచే విమాన సర్వీసుల్లో అందుబాటులో ఉంటాయి. 21 ఏళ్లకంటే ఎక్కువ వయసున్న విద్యార్థులు తమ స్కూల్‌(School)/యూనివర్సిటీకి(University) సంబంధించిన ఐడీ కార్డు(ID Card) ఉన్నవారు మాత్రమే ఈ ఆఫర్ యూజ్ చేసుకోవడానికి అర్హులని ఇండిగో వెల్లడించింది.
