‘నీ కంటి వెలుగుల ముందు ప్రపంచంలోని సంపద అంతా వెలవెలబోతోంది’: అదానీ
దిశ, బిజినెస్ బ్యూరో: ప్రముఖ బిలియనీర్ గౌతమ్ అదానీ నిత్యం వ్యాపార పనుల్లో బిజీగా ఉంటారు. అలాంటి వ్యక్తి తాజాగా సోషల్ మీడియా ఎక్స్‌లో పెట్టిన పోస్ట్ వైరల్ అయింది. 14 నెలల వయసు కలిగిన తన మనవరాలు కావేరిని ఎత్తుకున్న ఫొటోను అదానీ ఎక్స్ పోస్ట్ చేశారు. ఈ పోస్ట్‌పై వ్యాఖ్యానిస్తూ ‘నీ కంటి వెలుగుల ముందు ప్రపంచంలోని సంపద అంతా వెలవెలబోతుందని’ క్యాప్షన్ ఇచ్చారు. గౌతమ్ అదానీకి ఇద్దరు కుమారులు వారు కరణ్ అదానీ, జీత్ అదానీ. ఆ పాప కరణ్- పరిధిల కుమార్తె.
లండన్‌లోని సైన్స్ మ్యూజియంలో కొత్తగా అదానీ గ్రీన్ ఎనర్జీ గ్యాలరీని ఏర్పాటు చేశారు. ఈ సందర్భంగా తన కుటుంబంతో కలిసి ఉన్న సమయంలో తన మనవరాలిని తన చేతుల్లోకి తీసుకుని నవ్వుతున్నప్పుడు తీసిన ఫొటోను ఆయన షేర్ చేశారు. నా మనుమరాళ్లతో సమయం గడపడం నాకు చాలా ఇష్టం, వారు నా ఒత్తిడిని తగ్గిస్తారు. నాకు రెండు ప్రపంచాలు మాత్రమే ఉన్నాయి, అవి ఉద్యోగం, కుటుంబం, నా కుటుంబం నాకు గొప్ప బలం అని గౌతమ్ అదానీ అన్నారు.
इन आँखों की चमक के आगे दुनिया की सारी दौलत फीकी है। 🙏 pic.twitter.com/yd4nyAjDkR
— Gautam Adani (@gautam_adani) April 2, 2024
