గుడ్ న్యూస్ ప్రకటించిన రామ్ చరణ్ బ్యూటీ.. వైరల్ అవుతున్న పోస్ట్
దిశ, సినిమా: స్టార్ నటి అమీ జాక్సన్(Amy Jackson) గురించి ప్రత్యేకంగా చెప్పాల్సిన పని లేదు. ఈ అమ్మడు తెలుగులో ఎవడు(Yevadu), ఐ, రోబో-2 వంటి సినిమాల్లో నటించి ఫుల్ ఫేమ్ తెచ్చుకుంది. ఆ తర్వాత ఏమైందో తెలియదు కానీ సినిమాలకు దూరమైంది. ఇక అమీ జాక్సన్(Amy Jackson) పర్సనల్ లైఫ్ విషయానికొస్తే.. ఈ అమ్మడు గతంలో ఓ వ్యక్తితో డేటింగ్ చేసి పెళ్లి కాకుండానే ఓ బిడ్డకు జన్మనిచ్చింది. ఆ తర్వాత ఏవో మనస్పర్థలు రావడంతో విడిపోయింది. అయితే అమీ జాక్సన్ ఇటీవల హాలీవుడ్ నటుడు ఎడ్ వెస్ట్‌విక్‌(Ed Westwick)ను ప్రేమించింది.
రెండు నెలల క్రితం పెళ్లి చేసుకుని వివాహ బంధంలోకి అడుగుపెట్టింది. ఇందుకు సంబంధించిన ఫొటోలను కూడా షేర్ చేయడంతో నెట్టింట వైరల్ అయ్యాయి. అమీ జాక్సన్ సినిమాలకు దూరం అయినప్పటికీ సోషల్ మీడియాలో మాత్రం ఫుల్ యాక్టివ్‌గా ఉండి వరుస పోస్టులు షేర్ చేస్తోంది. ఇదిలా ఉంటే.. తాజాగా, అమీ జాక్సన్(Amy Jackson) గుడ్ న్యూస్ ప్రకటించింది. తను రెండోసారి తల్లి కాబోతున్నట్లు ప్రకటించింది. అంతేకాకుండా భర్తతో దిగిన బేబీ బంప్ ఫోటోలు కూడా షేర్ చేసింది. ప్రజెంట్ ఈ పిక్స్ నెట్టింట వైరల్ అవుతుండగా.. అది చూసిన వారంతా కంగ్రాట్స్ చెబుతున్నారు.
