కేసీఆర్‌ను ‘కాకా’ అంటూ సంచలన వ్యాఖ్యలు చేసిన బొడిగే శోభ
దిశ, జమ్మికుంట : రాష్ట్ర ముఖ్యమంత్రి కేసీఆర్‌ను ‘కాకా’ అంటూ మాజీ ఎమ్మెల్యే బొడిగే శోభ దుమ్ము దులిపేసింది. జమ్మికుంట మండలంలో పర్యటిస్తున్న సందర్భంగా శోభ సంచలన వ్యాఖ్యలు చేశారు. టీఆర్ఎస్ ప్రభుత్వం పరిస్థితి కుడిదిలో పడ్డ ఎలుకలా కొట్టుకుంటోందని అన్నారు. డబ్బులు పెట్టి కొన్న నాయకులను కాపాడుకోవడమే కేసీఆర్‌కు పెద్ద పనిగా మారిందన్నారు. కేసీఆర్ కాకకు ఎన్ని కష్టాలు వచ్చాయో.. అంటూనే రెండోసారి అధికారంలోకి రాగానే కేసీఆర్‌కు కళ్లు కనిపించకుండా పోయామని మండిపడ్డారు.
కల్వకుంట్ల కుటుంబంలో ఉన్న ఓ బెరిక వల్లే ముఖ్య నాయకులంతా టీఆర్ఎస్ నుండి బయటికి పోతున్నారని షాకింగ్ ఆరోపణలు చేశారు. మూడు ఎకరాల భూమి, డబుల్ బెడ్ రూం, ఇంటికో ఉద్యోగం ఎటుపోయినయి అంటూ ప్రశ్నించారు. కేసీఆర్.. ఎన్నికల కోడ్ వచ్చే దాకా దళితబంధు గురించి మాయ మాటలు చెప్పారని, దళితబంధు అందరికీ వెంటనే అందించాలి. రైతు బంధును ఎలా నిబంధనలు లేకుండా ఇస్తున్నారో.. దళితబంధు కూడా అలాగే ఇవ్వాల్సిందేనని డిమాండ్ చేశారు.
హుజురాబాద్‌కు వస్తున్న నాయకులు అంతా కోన్ కిస్కా గాళ్లేనంటూ విమర్శించారు. ఈటల రాజేందర్ చిన్న మనిషి కావొచ్చు.. అసెంబ్లీలో పెద్ద గొంతుక అవుతాడన్నారు. బతుకమ్మ చీర కట్టుకుని కవిత బతుకమ్మ ఆడాలని, లేనట్టయితే ఆమె ఏ చీరలు కడుతుందో అవే మాకు కూడా ఇవ్వాలని డిమాండ్ చేశారు.
