బోధన్ ఎమ్మెల్యేకు కరోనా పాజిటివ్

దిశ ప్రతినిధి, నిజామాబాద్: బోధన్ ఎమ్మెల్యే షకీల్ అమీర్‌కు కరోనా పాజిటివ్‌గా నిర్ధారణ అయ్యింది. ప్రస్తుతం ఆయన హోమ్ క్వారంటైన్‌లో ఉంటూ జాగ్రత్తలు తీసుకుంటున్నారు. గత వారం క్రితం ఎమ్మెల్యే తండ్రికి కరోనా సోకింది. ఈ క్రమంలో షకీల్ అమీర్ టెస్టు చేయించగా.. పాజిటివ్‌గా తేలింది. ఈ విషయాన్ని ఆయన తన అధికారిక ఫేస్‌బుక్ అకౌంట్‌లో తెలిపారు. తనను కలిసిన వారందరూ పరీక్షలు చేయించుకోవాల్సిందిగా ఎమ్మెల్యే షకీల్ కోరారు.