‘వేటపాలెం’లో వేట కొడవళ్లతో దూసుకురానున్న బాలయ్య

దిశ, సినిమా : పాండమిక్ తర్వాత ‘అఖండ’తో టాలీవుడ్ ఇండస్ట్రీకి ఊపుతెచ్చిన నందమూరి బాలకృష్ణ.. మరో భారీ ప్రాజెక్ట్‌లో బిజీ కానున్నాడు. ఈ మేరకు స్టార్ డైరెక్టర్ గోపీచంద్ మలినేని దర్శకత్వంలో చేయనున్న మాస్ అండ్ యాక్షన్ సినిమాకు ‘వేటపాలెం’ అనే టైటిల్ ఖరారు చేసినట్లు తెలుస్తోంది. రాయలసీమ బ్యాక్ డ్రాప్‌లో తెరకెక్కనున్న ఈ మూవీలో వేట కొడవళ్లతో బాలకృష్ణ విశ్వరూపం చూపించనున్నట్లు ఫిల్మ్ ఇండస్ట్రీ వర్గాల టాక్. ఇప్పటికే ప్రీ ప్రొడక్షన్ పనులు పూర్తి చేసుకున్న సినిమా రెగ్యులర్ షూటింగ్‌ను వచ్చే ఏడాది జనవరి 20 నుంచి ప్రారంభించనున్నారు. అయితే తొందర్లోనే టైటిల్‌కు సంబంధించిన అఫిషియల్ అనౌన్స్‌మెంట్ ఉంటుందని మేకర్స్ వెల్లడించడం విశేషం.