ఎదురెదురుగా బైకులు ఢీ.. ఇద్దరికి తీవ్రగాయాలు
దిశ, గజ్వేల్ : ఎదురెదురుగా వస్తున్న రెండు బైకులు ఢీకొన్న ఘటనలో ఇద్దరు వ్యక్తులకు తీవ్ర గాయాలైన సంఘటన ములుగు మండలం కొండపోచమ్మ ప్రాజెక్ట్ పై శనివారం చోటు చేసుకుంది. పోలీసులు, స్థానికులు తెలిపిన వివరాల ప్రకారం.. ములుగు మండలం మామిడ్యాల గ్రామానికి చెందిన పెద్దుల క్రిష్ణ బైక్‌పై కొండపోచమ్మ ప్రాజెక్టు సందర్శనార్థం వస్తున్నాడు.
ఇదిలా ఉండగా.. వెలుగొండ జిల్లా కాంచపల్లి గ్రామానికి చెందిన శ్రావణ్ కుమార్ రెడ్డి కూడా మరో బైక్‌పై ఎదురుగా ప్రాజెక్టును చూసేందుకు వస్తున్న నేపథ్యంలో ఎదురెదురుగా వీరి బైక్‌లు ఢీ కొన్నాయి. దీంతో ఇరువురికి తీవ్ర గాయాలయ్యాయి.
వీరిని హుటాహుటినా గజ్వేల్ ప్రభుత్వ ఆసుపత్రికి తరలించినట్లు ఎస్ఐ రంగ కృష్ణ తెలిపారు. బాధితుల తల, ముఖం, మోచేతులకు గాయాలు కావడంతో తీవ్ర రక్తస్రావం అయిందన్నారు. కాగా ఈ ప్రమాదంలో రెండు ద్విచక్ర వాహనాలు పూర్తిగా ధ్వంసం అయ్యాయని, ఈ మేరకు కేసు నమోదు చేసి దర్యాప్తు చేసినట్లు ఎస్ఐ తెలిపారు.
