Bigg Boss Telugu 7: తెలుగు బిగ్‌బాస్ విన్నర్ ఎవరో డిసైడ్ !
దిశ, వెబ్‌డెస్క్: నాగార్జున హోస్ట్‌గా వ్యవహరించిన బిగ్‌బాస్ సీజన్-7 ముగింపు పలుకుటకు మరికొన్ని గంటలే మిగిలి ఉంది. కాగా ఈ సీజన్ విన్నర్ ఎవరవుతారని ప్రేక్షకులు ఆత్రుతగా ఎదురుచూస్తున్నారు. ప్రస్తుతం హౌస్లో ఆరుగురు కంటెస్టెంట్లు ఉన్నారు. అయితే ప్రతి సీజన్‌లో విన్నర్‌ను నిర్ణయించే విషయంలో పవన్ కళ్యాణ్ ఫ్యాన్స్ కీలక పాత్ర పోషిస్తున్నారు. ఈసారి కూడా వారు వారి ఓట్లు కీలకం కానున్నాయి. పవన్ అభిమానులు సపోర్ట్ చేసిన కంటెస్టెంట్లు ఈజీగా గెలుస్తారని గతంలో నిరూపితమైంది. ఎన్టీఆర్ హోస్టింగ్ చేసిన సీజన్‌లో టాప్ సెలెబ్స్ పార్టిసిపేట్ చేశారు.
శివ బాలాజీ టైటిల్ విన్నర్ అయ్యాడు. తాను పవర్ స్టార్ ఫ్యాన్ అని శివ బాలాజీ గతంలో పలు సందర్భాల్లో చెప్పిన విషయం తెలిసిందే. బిగ్‌బాస్ సీజన్ - 1లో శివ బాలాజీని పవన్ అభిమానులు మద్ధతు పలికారు. దీంతో బాలాజీ విన్నర్ అయ్యాడు. సీజన్ 2లో కౌశల్ మందాకు సపోర్ట్ చేశారు. అతడు హౌస్లో చాలా సార్లు పవన్ కల్యాణ్‌కు పెద్ద ఫ్యాన్‌ను అని చెప్పాడు. కాగా కౌశల్ మందా కోసం కౌశల్ ఆర్మీ పేరుతో ఒక గ్రూప్ తయారైంది. వారు కౌశల్‌కు ఓట్లు పడేలా చేశారు. అందులో పవన్ కళ్యాణ్ ఫ్యాన్స్ ఎక్కువగా ఉన్నారు. అలాగే సీజన్ - 3 విన్నర్ రాహుల్ సిప్లిగంజ్ విజయంలో పవర్ స్టార్ ఫ్యాన్స్ ఫ్యాన్స్ హస్తం ఉందని నెట్టింట టాక్.
ఇక సీజన్ 7లో చూసుకున్నట్లైతే.. పవన్ ఫ్యాన్స్ ఎవరికి సపోర్ట్ చేస్తున్నారనే సందేహాలు నెటిజన్లలో తలెత్తుతున్నాయి. కాగా విశ్వసనీయ సమాచారం ప్రకారం.. శివాజీ, పల్లవి ప్రశాంత్‌కు సపోర్ట్ చేస్తున్నారట. శివాజీ హౌస్లోకి ఎంట్రీ ఇస్తూనే పవన్ ఫ్యాన్స్ స్లోగన్ అయిన ‘‘మనల్ని ఎవడ్రా ఆపేది’’ అని అన్నాడు. వేదిక మీదకు వచ్చిన శివాజీ భార్య.. తాము ఈ స్థాయిలో ఉన్నామంటే చిరంజీవి, నాగార్జునలే కారణమని తెలిపింది. కాబట్టి శివాజీకే మెజారిటీ పవన్ కళ్యాణ్ ఫ్యాన్స్ ఓట్లు వేస్తున్నారని సోషల్ మీడియాలో టాక్ వినిపిస్తుంది. కాగా శివాజీనే బిగ్‌బాస్ విన్నర‌ని అంటున్నారు ఫ్యాన్స్. ఇక రైతుబిడ్డ పల్లవి ప్రశాంత్ పుష్ప మూవీలో అల్లు అర్జున్ సిగ్నేచర్ స్టైల్ ‘తగ్గేదేలే’ ఫాలో అవుతున్నాడు. దీంతో కాస్త ప్రశాంత్ కూడా మెగా సపోర్ట్ ఉన్నట్లు తెలుస్తోంది. అలాగే శివాజీ, పల్లవి ప్రశాంత్ తమ ఆట తీరుతో బాగా మెప్పించారు కూడా. కాగా శివాజీ విన్నర్‌గా ప్రశాంత్ రన్నర్‌గా నిలుస్తారని అంటున్నారు.
