బిగ్‌బాస్-7: ఫైనల్ వరకు ఉంటాడనుకున్న టాప్ కంటెస్టెంట్ ఎలిమినేట్..!
దిశ, వెబ్‌డెస్క్: బిగ్‌బాస్ సీజన్ 7 గ్రాండ్ ఫినాలేకు ఇంకా వారం రోజుల సమయం మాత్రమే ఉంది. ఇక గత సీజన్స్ మాదిరిగా కాకుండా ఈ సీజన్లో అంతా ఉల్టా పుల్టాగా నిర్వహిస్తున్న సంగతి తెలిసిందే. ఈసారి ఎలిమినేషన్ కోసం కాకుండా టైటిల్ విన్నర్ కోసం ఓటింగ్ పోల్స్ అందుబాటులో ఉంచారు. నిజానికి శుక్రవారం వరకే ఓటింగ్ లైన్స్ ఓపెన్ ఉంటాయి. కానీ ఇప్పుడు అలా కాకుండా గ్రాండ్ ఫినాలే వరకు ఓటింగ్ లైన్స్ ఓపెన్ ఉంటాయని.. ఈ శని, ఆదివారాలు సైతం తమ ఫేవరెట్ కంటెస్టెంట్లకు ఓట్లు వేయోచ్చని ఇప్పటికే నాగార్జున చెప్పిన సంగతి తెలిసిందే. అయితే ఈ వారం వీకెండ్ ఎపిసోడ్‌లో ఇద్దరు ఎలిమినేట్ అయితే ఇంట్లో ఐదుగురు కంటెస్టెంట్స్ ఉంటారు. ఈ వారం ఇప్పటికే తక్కువ ఓట్లు వచ్చిన కారణంగా సీరియల్ నటి శోభాశెట్టి ఎలిమినేట్ అయిందని సమాచారం.
తాజాగా, మరో కంటెస్టెంట్ ఇంటి నుంచి రాబోతున్నట్లు తెలుస్తోంది. ప్రేక్షకుల్లో చాలా మంది అమ్మాయిలు యావర్ ప్రిన్స్‌కు సపోర్ట్ చేస్తూ వస్తున్నారు. అంతేకాకుండా శివాజీ కూడా తాను గెలవకపోయిన యావర్ గెలవాలని మొదటి నుంచి అతడికి అన్ని టాస్కుల్లో హెల్ప్ చేస్తున్నాడు. అలాగే అతడు బాధపడుతున్న సమయంలో ధైర్యం చెబుతూ.. టాస్కుల్లో బాగా ఆడేలాగ మోటివేట్ చేస్తున్నాడు. దీంతో అందరూ యావర్ ఫైనల్ వరకు ఉంటాడని అనుకున్నారు. కానీ యావర్ ఈ వారం డేంజర్‌ జోన్‌లో ఉన్నట్లు సమాచారం. ఆదివారం ఎపిసోడ్‌లో ఇంటి నుంచి బయటకు వచ్చే ఛాన్సులు కూడా ఎక్కువగానే ఉన్నాయట. ఇక ఈ విషయం తెలిసిన యావర్ ఫ్యాన్స్ తీవ్ర నిరాశ చెందుతున్నారు.
