బిగ్‌బాస్-7: నో నామినేషన్.. ఓన్లీ ఎలిమినేషన్స్.. మరింత ఆసక్తికరంగా ఫైనల్ వీక్!
దిశ, వెబ్‌డెస్క్: బిగ్‌బాస్ సీజన్-చివరి దశకు చేరుకుంది. ఇప్పటి వరకు 14 వారాలు పూర్తి చేసుకోగా.. ప్రస్తుతం ఇంట్లో 6 ఉన్నారు. లాస్ట్ వీక్ శోభా శెట్టి ఇంటి నుంచి బయటకు వెళ్లిపోవడంతో.. ప్రియాంక, అమర్, ప్రశాంత్, శివాజీ, అర్జున్, యావర్, ఉన్నారు. అయితే బిగ్‌బాస్ ఫినాలో ఎపిసోడ్ వచ్చే వారం ప్రసారం కానున్నట్లు తెలుస్తోంది. ప్రతి సోమవారం నామినేషన్స్‌లో కంటెస్టెంట్స్ ఇంట్లో చేసే రచ్చ అంతా ఇంత కాదు. కానీ ఈ వారం నో నామినేషన్స్, నో ఎలిమనేషన్స్ అని హోస్ట్ నాగార్జున చెప్పిన విషయం తెలిసిందే. దీంతో ప్రేక్షకుల్లో మరింత ఆసక్తి నెలకొంది.
ఎందుకంటే.. బిగ్‌బాస్ రియాలిటీ షో ఇప్పటికే ఆరు సీజన్లు పూర్తి చేసుకుంది. ప్రతి సీజన్‌లో కేవలం టాప్ 5 కంటెస్టెంట్స్‌ను సెలక్ట్ చేసేవారు. కానీ ఈ ఉల్టా పుల్టా సీజన్‌లో టాప్ 6 ఉండటంతో ఈ షోపై అందరికీ ఆసక్తి పెరిగింది. ఉన్నవారంతా స్ట్రాంగ్ కంటెస్టెంట్స్ కావడంతో బిగ్‌బాస్ ఎవరిని ఎలిమినేట్ చేస్తాడోనని కళ్లు కాయలు కాసేలా ఎదురుచూస్తున్నారు. అయితే ఈ వారం కంటెస్టెంట్స్‌ను సింగిల్‌గా పిలిచి వారి జర్నీ చూపించారు. అలాగే ఇంకా బాగా ఆడేలా బిగ్‌బాస్ ప్రోత్సహించారు. ఇదిలా ఉంటే.. ఇది ఫైనల్ వీక్ కాబట్టి కంటెస్టెంట్స్‌తో ఎలాంటి టాస్కులు ఆడిస్తారో చూడాలని ప్రేక్షకుల్లో ఆసక్తి నెలకొంది.
