లెబనాన్‎లో మరో భారీ అగ్ని ప్రమాదం..!

దిశ, వెబ్‏‎డెస్క్: నెల రోజుల క్రితం లెబనాన్ రాజధాని బీరుట్‎లో భారీ పేలుళ్ల ఘటన మరువక ముందే.. బేరూత్ పోర్టు ప్రాంతంలో మరోసారి భారీ అగ్నికీలలు ఎగసిపడుతున్నాయి. గురువారం ఓడరేవులోని చమురు, టైర్ల గోడౌన్‎లో ఒక్కసారిగా మంటలు చెలరేగాయి. ఘటనా స్థలానికి చేరుకున్న అగ్నిమాపక, సహాయక సిబ్బంది.. హెలికాప్టర్ల ద్వారా మంటలను అదుపు చేసేందుకు యత్నిస్తున్నారు. ఈ అగ్ని ప్రమాదంలో ఇప్పటివరకు ఎవరైనా మృతి చెందారనేది తెలియలేదు. ఈ మంటలతో దట్ట పొగ కారణంగా స్థానికులకు ఊపిరి ఆడడం లేదని అధికారులు తెలిపారు.