Breaking: భీమిలిలో ఎర్రమట్టి తవ్వకాలు నిలిపివేత

దిశ, వెబ్ డెస్క్: విశాఖ జిల్లా భీమిలిలో ఎర్రమట్టి తవ్వకాలు జరుగుతున్నాయని అధికార, ప్రతిపక్ష నాయకుల మధ్య మాటల యుద్ధం జరిగిందే. భీమిలిలోని ఎర్రమట్టి దిబ్బల వద్దకు వెళ్లిన మాజీ మంత్రి అమర్‌నాథ్ .. విధ్వంసం జరుగుతోందని ఆగ్రహం వ్యక్తం చేశారు. టీడీపీ నేతలే ఎర్రమట్టి దిబ్బలను కొల్లగొడుతున్నారని ఆరోపించారు. దీంతో టీడీపీ నేతలు సైతం కౌంటర్ ఎటాక్ చేశారు.గత ఐదేళ్లుగా ఎర్రమట్టి దిబ్బలను విధ్వంసం చేసి కొత్తగా ఏర్పడిన ప్రభుత్వంపై బురదజల్లుతారా అంటూ మండిపడ్డారు. ఈ నేపథ్యంలో సీఎంవో స్పందించింది. విశాఖ జిల్లా భీమిలిలోని ఎర్రమట్టి దిబ్బల విధ్వంసంపై ఆరా తీసింది. అక్కడ వెంటనే తవ్వకాలు నిలిపివేయాలని విశాఖ జిల్లా అధికారులను ఆదేశించింది. ప్రస్తుత పరిస్థితిపై నివేదిక ఇవ్వాలని సూచించింది. పర్యవరణానికి హాని చేసే చర్యల పట్ల అలర్ట్‌గా ఉండాలని అధికారులను సీఎంవో ఆదేశించింది.