చంద్రబాబును ఇబ్బంది పెట్టకూడదు.. వైసీపీ ఎమ్మెల్యే బాలినేని కీలక వ్యాఖ్యలు

దిశ, వెబ్ డెస్క్: ఇబ్బందికర పరిస్థితుల్లో ఉన్న వారిని ఇబ్బందిపెట్టకూడదని చంద్రబాబును ఉద్దేశించి మాజీ మంత్రి, వైసీపీ ఒంగోలు ఎమ్మెల్యే బాలినేని శ్రీనివాసరావు అన్నారు. చంద్రబాబు ఆరోగ్యంపై సోషల్ మీడియాలో రకరకాల ప్రచారం జరుగుతున్న నేపథ్యంలో ఆయన స్పందించారు. చంద్రబాబు బరువు తగ్గారని టీడీపీ నాయకులు అంటున్నారని, వైద్యులు మాత్రం తగ్గలేదని చెబుతున్నారన్నారు. చంద్రబాబుకు ఏ సమస్య ఉన్నా జైలు అధికారులు కచ్చితంగా ఆస్పత్రికి తరలించి వైద్యం అందిస్తారని తెలిపారు. కావాలని జైలులో ఉంచి ఇబ్బందులకు గురి చేసే పని ఎవరూ చేయరని పేర్కొన్నారు. పొత్తులపై స్పందించిన బాలినేని టీడీపీ ఒంటరిగా పోటీ చేయొచ్చు కధా అని ప్రశ్నించారు. అన్ని పార్టీలు ఒక్కటై వైసీపీపై పోటీ చేస్తు్న్నాయన్నారు. ఉమ్మడి ప్రకాశం జిల్లాలో జనసేన ప్రభావం రెండు నియోజకవర్గాల్లో ఉంటుందని అయినా సరే వైసీపీ గెలుస్తుందని బాలినేని ధీమా వ్యక్తం చేశారు.