ప్రమాణస్వీకారం సమయంలో ఎన్టీఆర్ పెద్ద కుమారుడు ఎమోషనల్!
దిశ, డైనమిక్ బ్యూరో: చంద్రబాబు నాయుడు ప్రమాణ స్వీకారం సందర్భంగా నందమూరి రామకృష్ణ ఏమోషనల్ అయ్యి కనిపించారు. ఇవ్వాళ ఆంధ్రప్రదేశ్ లో టీడీపీ అధినేత చంద్రబాబు నాయుడు ప్రమాణస్వీకారానికి ప్రధాని మోడీ తో పాటు దేశ నాయకులు, సినీ ప్రముఖులు, టీడీపీ అభిమానులు, కార్యకర్తలు పెద్ద ఎత్తున హజరయ్యారు. అలాగే వీరితో పాటు నందమూరి, నారా కుటుంబసభ్యులు కూడా సభా ప్రాంగణంలో ఆసీనులయ్యారు. చంద్రబాబు నాయుడు ముఖ్యమంత్రిగా ప్రమాణ స్వీకారం చేసే సమయంలో స్వర్గీయ నందమూరి తారకరామారావు పెద్ద కుమారుడు నందమూరి రామకృష్ట ఎమోషనల్ అయ్యారు.
తెలుగుదేశం పార్టీకి జై కొడుతూ.. తీవ్ర భావోద్వేగానికి గురయ్యారు. దీనికి సంబందించిన వీడియో నెట్టింట వైరల్ మారింది. కాగా మొన్న జరిగిన ఎన్నికల్లో తెలుగుదేశం పార్టీ తరుపున ఆయన కూడా ప్రచారంలో పాల్గొన్నారు. కాగా ఆంధ్రప్రదేశ్ లో జరిగిన సార్వత్రిక ఎన్నికలతో పాటు అసెంబ్లీ ఎన్నికల్లో తెలుగుదేశం కూటమి పార్టీలు మెజారిటీ సీట్లు సాధించి అధికారంలోకి వచ్చాయి. దీంతో ఇవ్వాళ టీడీపీ అధినేత చంద్రబాబు నాయుడు, జనసేన అధినేత పవన్ కళ్యాణ్ తో పాటు ఇంకొందరు మంత్రులుగా ప్రమాణ స్వీకారం చేశారు.
