Nara Bhuvaneshwari : జైల్లో Chandrababu Naidu ను చూసి కంటతడిపెట్టిన భువనేశ్వరి
దిశ, డైనమిక్ బ్యూరో : తెలుగుదేశం పార్టీ అధినేత చంద్రబాబు నాయుడును కుటుంబ సభ్యులు కలిశారు. స్కిల్ డెవలప్ మెంట్ స్కాం కేసులో టీడీపీ అధినేత చంద్రబాబు నాయుడు రాజమహేంద్రవరం సెంట్రల్ జైలులో రిమాండ్ ఖైదీగా ఉన్న సంగతి తెలిసిందే. అయితే శుక్రవారం ఉదయం చంద్రబాబును ములాఖత్‌లో భాగంగా భార్య నారా భువనేశ్వరి, కోడలు నారా బ్రాహ్మణి, మాజీమంత్రి పొంగూరు నారాయణలు కలిశారు. రాజమహేంద్రవరం సెంట్రల్ జైలులో చంద్రబాబు నాయుడు ఆరోగ్య పరిస్థితిని అడిగి కుటుంబ సభ్యులు తెలుసుకున్నారు. గత 21 రోజులుగా చంద్రబాబు నాయుడు జైల్లోనే ఉండటాన్ని తలచుకుని భువనేశ్వరి భావోద్వేగానికి గురయ్యారు. దీంతో చంద్రబాబు నాయుడు ధైర్యంగా ఉండాలని అటు భువనేశ్వరి ఇటు నారా బ్రాహ్మణికి సూచించారు. ఈ సందర్భంగా జైల్లో చంద్రబాబు నాయుడు ఆరోగ్య పరిస్థితి, జైల్లో అందుతున్న వసతుల గురించి అడిగి తెలుసుకున్నారు. ములాఖత్ సమయం ముగిసిపోవడంతో ముగ్గురూ బయటకు వచ్చేశారు. ఇకపోతే చంద్రబాబు నాయుడు జైలుకు వెళ్లిన మరుసటి రోజు నుంచి రాజమహేంద్రవరంలోనే నారా భువనేశ్వరి, నారా బ్రాహ్మణి ఉంటున్నారు. లోకేశ్ క్యాంప్ కార్యాలయంలోనే ఉంటున్నారు. ఇంటి దగ్గర నుంచి భోజనంకు చంద్రబాబు నాయుడుకు అనుమతి ఇచ్చిన నేపథ్యంలో నారా భువనేశ్వరి ఇంటి దగ్గర నుంచే భోజనం పంపిస్తున్నారు. చంద్రబాబు అక్రమ అరెస్ట్‌కు సంఘీభావంగా టీడీపీ శ్రేణులు కొనసాగిస్తున్న రిలే నిరాహారదీక్షలకు నారా భువనేశ్వరి వెళ్లి వారితో మమేకమవుతున్న సంగతి తెలిసిందే.
ఇవి కూడా చదవండి :
Nara Lokesh : ఢిల్లీకి ఏపీ సీఐడీ బృందం: Nara Lokesh కు బిగుస్తున్న ఉచ్చు
