ఏపీ ఫలితాలపై జూనియర్ ఎన్టీఆర్ ఆసక్తికర ట్వీట్!
దిశ, డైనమిక్ బ్యూరో: ఆంధ్రప్రదేశ్ లో జరిగిన లోక్ సభ ఎన్నికలతో పాటు అసెంబ్లీ ఎన్నికల ఫలితాలు కూడా మంగళవారమే విడుదల అయ్యాయి. ఈ ఫలితాల్లో ఎక్జిట్ పోల్స్ అంచనాలకు అందకుండా ఎన్డీఏ కూటమి భారీ విజయం సాధించింది. దీంతో టీడీపీ ఆధ్వర్యంలోని కూటమి అధికారంలోకి రాబోతుంది. ఈ నేపధ్యంలోనే సీని నటుడు, గ్లోబల్ స్టార్ జూనియర్ ఎన్టీఆర్ ఎన్నికల్లో గెలిచిన తమ కుటుంబసభ్యులకు ట్విట్టర్ వేదికగా శుభాకాంక్షలు తెలిపారు. ప్రియమైన నారా చంద్రబాబు మావయ్యకి ఈ చారిత్రాత్మకమైన విజయాన్ని సాధించిందుకు నా హృదయపూర్వక శుభాకాంక్షలు అంటూ.. మీ ఈ విజయం ఆంధ్రప్రదేశ్ రాష్ట్రాన్ని అభివృద్ధి పథం వైపున నడిపిస్తుందని ఆశిస్తున్నానన్నారు.
అలాగే అద్భుతమైన మెజారిటీతో గెలిచిన నారా లోకేశ్ కి, మూడోసారి ఘన విజయం సాధించిన బాలకృష్ణ బాబాయికి, ఎంపీలుగా గెలిచిన శ్రీభరత్ కి, దగ్గుపాటి పురంధేశ్వరి అత్తకి నా శుభాకాంక్షలు తెలియజేశారు. అలాగే మరో ట్విట్ లో ఇంతటి ఘన విజయం సాధించిన పవన్ కళ్యాణ్ గారికి కూడా నా హృదయపూర్వక శుభాకాంక్షలు అని రాసుకొచ్చారు. దీనిపై అభిమానులు స్పందిస్తూ.. ఈ దెబ్బతో చాలా మందికి తుప్పు వదిలి ఉంటుంది అని చంద్రబాబుతో ఎన్టీఆర్, పవన్ కళ్యాణ్ తో ఎన్టీఆర్ కలిసి దిగిన ఫోటోలను షేర్ చేస్తున్నారు.
