విజయమ్మ, షర్మిలపై చంద్రబాబు సంచలన వ్యాఖ్యలు

దిశ, వెబ్ డెస్క్: వైఎస్ విజయమ్మ, షర్మిలపై టీడీపీ అధినేత చంద్రబాబు సంచలన వ్యాఖ్యలు చేశారు. తల్లి కాంగ్రెస్, పిల్ల కాంగ్రెస్ కలిసి కొత్త నాటకానికి తెర తీశారని ఆయన ఆరోపించారు. కుమారుడికి ఏపీ, కుమార్తెకు తెలంగాణ రాసిచ్చానని ఓ తల్లి చెప్పిందని చంద్రబాబు గుర్తు చేశారు. ఆ తల్లి తన ఇద్దరి పిల్లకి న్యాయం చేయలేదని.. అటువంటి రాష్ట్రానికి ఏం చేస్తారని ఎద్దేవా చేశారు. పిల్ల కాంగ్రెస్ వ్యతిరేక ఓటు చీల్చాలని తల్లి కాంగ్రెస్ నాటకం ఆడుతోందని వ్యాఖ్యానించారు. ఆడపిల్లకు అన్యాయం జరిగితే ఇంట్లో తెల్చుకోవాలని సూచించారు. ఎన్డీఏకు పడు ఓట్లు చీల్చాలని నాటకం ఆడుతున్నారని చంద్రబాబు ఆరోపించారు. రాష్ట్రం బాగుపడాలంటే ఎన్డీఏకు ఓటు వేయాలన్నారు. పల్నాడు జిల్లా క్రోసూరులో నిర్వహించిన ప్రజా గళం బహిరంగ సభలో చంద్రబాబు ప్రసగించారు. కేంద్రంలో మళ్లీ బీజేపీ వస్తుందనే ఆ పార్టీతే కలిశామని చెప్పారు. రాష్ట్రం కోసమే టీడీపీ, జనసేన, బీజేపీ కలిసిందని చంద్రబాబు పేర్కొన్నారు.